ഒമാനിലുണ്ടായ വാഹനാപകടത്തില്‍ മഹാരാഷ്ട്ര സ്വദേശിക്ക് ദാരുണാന്ത്യം.രത്‌നഗിരി മണ്ടങ്ങാട് അര്‍ഷാദ് (27) ആണ് ഖുറിയാത്തിലുണ്ടായ വാഹനാ പകടത്തില്‍ മരിച്ചത്.

ഇദ്ദേഹം സഞ്ചരിച്ചിരുന്ന വാഹനത്തിന്റെ ടയര്‍ പൊട്ടി നിയന്ത്രണം വിട്ടായിരുന്നു അപകടം സംഭവിച്ചത്. വാദി കബിറിലുള്ള സ്വകാര്യ കമ്പനിയില്‍ ജോലി അന്വേഷിച്ചു വരികയായിരുന്നു.

പിതാവ്: മുസമ്മില്‍ ഹുസൈന്‍ ഖാന്‍. മാതാവ്: മാബിയ ഖാത്തുന്‍. നടപടികള്‍ പൂര്‍ത്തിയാക്കി മൃതദേഹം നാട്ടിലേക്കു കൊണ്ടുപോകുമെന്ന് ബന്ധപ്പെട്ടവര്‍ അറിയിച്ചു.