ദുബായ് ഡ്യൂട്ടി ഫ്രീ മില്ലെനിയം മില്യണയര്‍ നറുക്കെടുപ്പില്‍ പ്രവാസിക്ക് ലഭിച്ചത് 10 ലക്ഷം ഡോളര്‍ (8കോടിയിലേറെ ഇന്ത്യന്‍ രൂപ) ആണ്. ബുധനാഴ്ച നടന്ന നറുക്കെടുപ്പിലാണ് സമ്മാനം സ്വന്തമാക്കിയത്. ദുബായ് ഡ്യൂട്ടി ഫ്രീ മില്ലെനിയം മില്യണയര്‍ 453-ാമത് സീരീസ് നറുക്കെടുപ്പിലാണ് ദുബായില്‍ ജോലി ചെയ്യുന്ന ഇന്ത്യക്കാരനായ മുഹമ്മജ് ജമാല്‍ ഇല്‍മിയ്ക്ക് സമ്മാനം ലഭിച്ചത്.

ഇതില്‍ സമ്മാനം നേടുന്ന 226-ാമത് ഇന്ത്യക്കാരനാണ് ഇല്‍മി. 0121 എന്ന ടിക്കറ്റ് നമ്പരാണ് സമ്മാനാര്‍ഹമായത്. ഫെബ്രുവരി 27ന് സ്പെയിനിലെ മഡ്രിഡിലേക്കുള്ള യാത്രക്കിടെയാണ് ഇല്‍മി ടിക്കറ്റ് വാങ്ങുന്നത്. ഡ്യൂട്ടി ഫ്രീ മില്ലെനിയം മില്യണയര്‍ 454-ാംസീരീസ് നറുക്കെടുപ്പില്‍ യു എ ഇ സ്വദേശി മുഹമ്മദ് അല്‍ ഷെഹിയാണ് മറ്റൊരു വിജയി. 2637 എന്ന ടിക്കറ്റ് നമ്പരിലൂടെ ഇദ്ദേഹം 10 ലക്ഷം ഡോളര്‍ സമ്മാനമായി നേടി.

അതേസമയം, ഡ്യൂട്ടി ഫ്രീ മില്ലെനിയം മില്ലനയര്‍ 452-ാമത് സീരീസ് നറുക്കെടുപ്പിലും വിജയിയായത് ഇന്ത്യക്കാരനയിരുന്നു. അബുദാബിയില്‍ താമസമാക്കിയ ഇന്ത്യക്കാരന്‍ സുനില്‍ നയ്യാറിനാണ് ആറരക്കോടിയോളം രൂപയുടെ സമ്മാനം ലഭിച്ചത്. മാര്‍ച്ച് 2 ശനിയാഴ്ച വൈകുന്നേരം ദുബായ് ഡ്യൂട്ടി ഫ്രീ ടെന്നീസ് ചാമ്പ്യന്‍ഷിപ്പ് പുരുഷ ഫൈനലിന്റെ സമ്മാനദാന ചടങ്ങിന് ശേഷം നടന്ന ഡ്യൂട്ടി ഫ്രീ മില്ലേനിയം മില്യണയര്‍ നറുക്കെടുപ്പിലാണ് ഭാഗ്യം സുനിലിനെ തേടിയെത്തിയത്. 0971 എന്ന ടിക്കറ്റിനാണ് സമ്മാനം ലഭിച്ചത്.