അല്ബഹയില് പ്രവാസിയായ മലപ്പുറം കൂട്ടിലങ്ങാടി പള്ളിപ്പുറം സ്വദേശി ജിദ്ദയില് മരിച്ചു....
അല്ബഹയില് പ്രവാസിയായ മലപ്പുറം കൂട്ടിലങ്ങാടി പള്ളിപ്പുറം സ്വദേശി നജ്മുദ്ധീന് (46) ജിദ്ദയില് മരിച്ചു....നഖ്ല് ട്രാന്സ്പോര്ട്ടേഷന് കമ്പനി ജീവനക്കാരനായ ഇദ്ദേഹം ജിദ്ദയിലെ സുഹൃത്തുക്കളോടും ബന്ധുക്കളോടുമൊപ്പം പെരുന്നാള് ആഘോഷിക്കാനെത്തിയതായിരുന്നു.
വെള്ളിയാഴ്ച്ച രാത്രി അല്ബഹയിലേക്ക് തിരിച്ചുപോകാനായി വാഹനം കയറുന്ന സ്ഥലത്ത് എത്തിയപ്പോള് ദേഹാസ്വാസ്ഥ്യം അനുഭവപ്പെടുകയും ഉടന് മരിക്കുകയുമായിരുന്നുവെന്നാണ് അറിയുന്നത്.
പിന്നീട് മൃതദേഹം ആംബുലന്സില് ജിദ്ദ മഹ്ജര് കിങ് അബ്ദുല് അസീസ് ആശുപത്രിയില് എത്തിക്കുകയായിരുന്നു. എന്നാല് കൃത്യമായ മരണ കാരണം വ്യക്തമായിട്ടില്ലെന്ന് ജിദ്ദയിലുള്ള സഹോദരന് അക്ബര് അറിയിച്ചു. 18 വര്ഷത്തോളമായി ഇദ്ദേഹം അല്ബഹയില് പ്രവാസിയായിരുന്നു.
പരേതരായ കുഞ്ഞിമുഹമ്മദ്, ആമിന ദമ്പതികളുടെ മകനാണ്. ഭാര്യ: സീനത്ത്, മക്കള്: ഹെന്ന (ഏഴ്), ഹനാന് (12), നടപടിക്രമങ്ങള് പൂര്ത്തിയാക്കാന് ബന്ധുക്കളോടൊപ്പം കെ.എം.സി.സി ജിദ്ദ വെല്ഫെയര് വിങ് പ്രവര്ത്തകര് രംഗത്തെത്തി.
https://www.facebook.com/Malayalivartha
