ഹൃദയാഘാതത്തെ തുടര്‍ന്ന് ഒമാനില്‍ കൊല്ലം സ്വദേശി മരിച്ചു....
ഹൃദയാഘാതത്തെ തുടര്‍ന്ന് ഒമാനില്‍ മലയാളി മരിച്ചു. കൊല്ലം അടിച്ചനല്ലൂര്‍ സ്വദേശി സലീംകുട്ടി ഇബ്രാഹിംകുട്ടി (54) ആണ് മരിച്ചത്. മസ്‌കത്ത് ഗാലയില്‍ ആറ് വര്‍ഷമായി പെട്രോള്‍ പമ്പില്‍ ജോലി ചെയ്തു വരികയായിരുന്നു. പിതാവ്: ഇബ്രാഹിംകുട്ടി. മാതാവ്: ജമീല. ഭാര്യ: നസീമ. മക്കള്‍: ഷാഫി, സെലീന, സൗമ്യ.
അതേസമയം സൗദി അറേബ്യയിലെ ജോലിസ്ഥലത്ത് കുഴഞ്ഞുവീണ് കോഴിക്കോട് സ്വദേശി മരിച്ചു. മുക്കം മരഞ്ചാട്ടിയില്‍ സ്വദേശി ഹനീഫ പുതിയാട്ടുകുണ്ടില്‍ (54) ആണ് മരിച്ചത്.
തെക്കന്‍ സൗദിയായ അസീര്‍ പ്രവിശ്യയിലെ ഹറൈദക്കടുത്ത് ഹരമ്പ്രം എന്ന പ്രദേശത്തെ ജോലിസ്ഥലത്ത് വെച്ചായിരുന്നു മരണം. സൂപ്പര്‍ മാര്‍ക്കറ്റില്‍ ജീവനക്കാരനായ ഇദ്ദേഹം കടയില്‍ കുഴഞ്ഞു വീണതിനെ തുടര്‍ന്ന് ഉടന്‍ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാന്‍ കഴിഞ്ഞില്ല. 15 വര്‍ഷമായി സൗദിയില്‍ പ്രവാസിയാണ്. രണ്ട് വര്‍ഷം മുമ്പാണ് ഇദ്ദേഹം അവസാനമായി അവധി കഴിഞ്ഞ് തിരിച്ചെത്തിയത്. അടുത്ത ദിവസം നാട്ടില്‍ പോകാനിരിക്കെയാണ് അവിചാരിത മരണം.
https://www.facebook.com/Malayalivartha
