ദുബായില് ഇന്ഷുറന്സിനുള്ള കാലാവധി നീട്ടി
ദുബായില് ഇന്ഷുറന്സ് രജിസ്റ്റര് ചെയ്യുന്നതിനുള്ള കാലാവധി നീട്ടി. കമ്പനികളെ സമീപിക്കുന്ന അപേക്ഷകരുടെ എണ്ണം കണക്കിലെടുത്താണ് ഇത്. ഡിസംബര് 31ന് സമയപരിധി അവസാനിക്കാനിരിക്കെയാണ് കാലാവധി നീട്ടിയത്. രണ്ടാം തവണയാണ് ദുബായ് ഹെല്ത്ത് അതോറിറ്റി (ഡി.എച്ച്.എ.) ആരോഗ്യ ഇന്ഷുറന്സില് ചേരാനുള്ള തിയ്യതി നീട്ടുന്നത്. ഇത്തരമൊരു തീരുമാനം എടുത്തത് അവസാന ദിനങ്ങളില് ഇന്ഷുറന്സ് കമ്പനികളെ സമീപിക്കുന്ന ഉപഭോക്താക്കളുടെ ആധിക്യം കണക്കിലെടുത്താണെന്ന് ഡി.എച്ച്.എ. ഡയറക്ടര് ഡോ. ഹൈദര് യൂസുഫ് പറഞ്ഞു. നിശ്ചിത സമയത്തിനകം ഇന്ഷുറന്സ് നേടാന് സാധിക്കാത്തവര്ക്കുകൂടി തീരുമാനം ഗുണകരമാകും. അപേക്ഷകള് സ്വീകരിക്കുന്നതിനായി ഇന്ഷുറന്സ് കമ്പനികള് തുടര്ച്ചയായി പ്രവര്ത്തിക്കേണ്ട അവസ്ഥയാണുള്ളത്. ഓണ്ലൈന് മുഖേനയും അപേക്ഷകള് സ്വീകരിക്കുന്നുണ്ട്.
2017-ന് മുമ്പ് ഇന്ഷുറന്സ് പരിരക്ഷ നേടാത്തവര്ക്ക് 500 ദിര്ഹം വീതം പിഴയും നിശ്ചയിച്ചിരുന്നു. വിസ പുതുക്കുകയോ പുതിയ വിസ നല്കുകയോ ചെയ്യില്ലെന്നും പ്രഖ്യാപിച്ചു. നേരത്തെ, 2016 ജൂണ് 30 ആണ് അവസാന തിയ്യതിയായി നിശ്ചയിച്ചിരുന്നത്. പിന്നീട് ഡിസംബറിലേക്ക് നീട്ടി. ഇപ്പോഴത്തെ കണക്കനുസരിച്ച് ദുബായില് താമസിക്കുന്ന 98 ശതമാനം ആളുകളും ആരോഗ്യ ഇന്ഷുറന്സ് പരിരക്ഷ ഉള്ളവരാണ്. എന്നാല്, 80,000 പേര് ഇപ്പോഴും ഈ ആനുകൂല്യം നേടിയിട്ടില്ല. വിവിധ ഘട്ടങ്ങളിലായാണ് ഓരോ വിഭാഗത്തിനും ദുബായില് നിര്ബന്ധിത ഇന്ഷുറന്സ് നടപ്പാക്കിയത്. അവസാന ഘട്ടത്തില് വിദേശ ജീവനക്കാരുടെ സ്പോണ്സര്ഷിപ്പിലുള്ള ഭാര്യ, മക്കള്, ആശ്രിതര് തുടങ്ങിയവര്ക്കും ഗാര്ഹിക ജീവനക്കാര്ക്കുമാണ് അവസരം നല്കിയിരുന്നത്.
https://www.facebook.com/Malayalivartha
