സൗദിയില് പുകയില നിയന്ത്രണം ഉടന്
ലോകത്ത് ഏറ്റവും കൂടുതല് പുകവലിക്കാരുളള രാജ്യങ്ങളിലൊന്നാണ് സൗദി. 14 ശതമാനം കൗമാരക്കാരും ഏഴുശതമാനം സ്ത്രീകളും രാജ്യത്ത് പുകവലിക്കാരാണ്. പുകയില ഉല്പന്നങ്ങള്ക്കു നൂറുശതമാനം വാറ്റ് ചുമത്താനുള്ള തീരുമാനം രാജ്യത്തെ പുകവലിക്കാരുടെ എണ്ണം കുറയ്ക്കാന് സഹായിക്കുമെന്നാണ് സൗദിയുടെ പ്രതീക്ഷ. പുകയില ഉല്പന്നങ്ങള്ക്ക് നൂറുശതമാനം വാറ്റ് ഏര്പ്പെടുത്താനുള്ള സര്ക്കാര് തീരുമാനം 2017 പകുതിയോടെയായിരിക്കും നടപ്പിലാക്കുക. ബവ്റിജസിന് 50 ശതമാനവും പുകയില ഉല്പന്നങ്ങള്ക്ക് നൂറു ശതമാനവും നികുതി ഏര്പ്പെടുത്തുന്നതിനുള്ള ജിസിസി സുപ്രീം കൗണ്സിലിന്റെ തീരുമാനത്തില് സൗദി നേരത്തെ ഒപ്പുവച്ചിരുന്നു. സൗദിയില് 18 വയസിനു താഴെയുള്ള പുകവലിക്കാരുടെ എണ്ണം 13 മുതല് 14 ശതമാനം വരെ ഉയരുന്നതായി ലോകാരോഗ്യ സംഘടനയുടെ കണക്കുകള് സൂചിപ്പിക്കുന്നത്.
മറ്റു രാജ്യങ്ങളെ അപേക്ഷിച്ച് സൗദിയില് പുകയില ഉല്പന്നങ്ങള് ഇപ്പോഴും കുറഞ്ഞവിലയാണുള്ളത്. വാറ്റ് ഇറക്കുമതിവിലയില് ഈടാക്കുന്നതിനാല് ഇത് പാക്കറ്റ് സിഗരറ്റ് വില ഇരട്ടിയാക്കില്ല. പുകവലി തടയുന്നതിനായുള്ള നിയമം ഉടന് നടപ്പാക്കാന് ആരോഗ്യമന്ത്രാലയം ആലോചിക്കുന്നുണ്ട്. ഇതനുസരിച്ച് രാജ്യത്തെ പുകവലി നിരോധിച്ചിട്ടുള്ള പൊതു സ്ഥലങ്ങളുടെ എണ്ണം വര്ധിപ്പിക്കും.
https://www.facebook.com/Malayalivartha