അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് വിലക്കേര്‍പ്പെടുത്തിയ ഏഴ് രാജ്യങ്ങളില്‍ യു.എ.ഇ ഉള്‍പ്പെടുന്നില്ലെങ്കിലും രാജ്യത്ത് ജീവിക്കുന്ന 11 ലക്ഷത്തോളം പേരെ ഈ നിരോധനം ബാധിക്കും. ലിബിയക്കാര്‍ ഉള്‍പ്പടെ അഞ്ച് ലക്ഷത്തോളം ഇറാനികളാണ് യു.എ.ഇ-ല്‍ ജീവിക്കുന്നത്. 240,000 സിറിയക്കാര്‍, 150,000 ഇറാഖികള്‍, 90,000 യെമനികള്‍, 80,000 സുഡാനികള്‍, 50,000 സോമാലിയക്കാര്‍ എന്നിങ്ങനെയാണ് മറ്റു രാജ്യക്കാരുടെ കണക്കുകള്‍. ആറ് രാജ്യങ്ങളിലെ പൗര•ാരെ 90 ദിവസത്തേക്കും സിറിയക്കാരെ ഇനിയൊരു ഉത്തരവുണ്ടാകുന്നതുവരെയും അമേരിക്കയില്‍ പ്രവേശിക്കുന്നത് വിലക്കിയിട്ടുണ്ട്. ഏത് രാജ്യക്കാര്‍ക്കും യു.എ.ഇയില്‍നിന്ന് അമേരിക്കന്‍ വിസ ശരിയാക്കുന്നത് താരതമ്യേന എളുപ്പമായാണ് കണക്കാക്കിയിരുന്നത്. എന്നാല്‍, ട്രംപിന്റെ ഉത്തരവ് യു.എ.ഇയിലെ 11 ലക്ഷത്തോളം പേര്‍ക്ക് തിരിച്ചടിയായിരിക്കുകയാണ്. വിലക്കേര്‍പ്പെടുത്തിയിരിക്കുന്ന സാഹചര്യത്തില്‍ ബന്ധുക്കളെ കാണാനോ ജോലി സംബന്ധമായ കാര്യങ്ങള്‍ക്കോ അമേരിക്കയിലേക്ക് പോകാന്‍ കഴിയില്ല. ഇതേതുടര്‍ന്ന് അമേരിക്കയില്‍ ബന്ധുക്കളുള്ളവര്‍ ഏറെ ആശങ്കയിലാണ്. ഗ്രീന്‍ കാര്‍ഡ് വിസയില്‍ അമേരിക്കയിലുള്ള ബന്ധുക്കള്‍ക്ക് തങ്ങളെ വന്ന് കാണാനും സാധിക്കാതെ വരുമോ എന്ന ആശങ്കയിലാണ് ജനങ്ങള്‍. ഡൊണാള്‍ഡ് ട്രംപിന്റെ ഉത്തരവില്‍ ഗ്രീന്‍ കാര്‍ഡിനെ കുറിച്ച് ഒന്നും പറഞ്ഞിട്ടില്ലെങ്കിലും വിവിധ വിമാനത്താവളങ്ങളില്‍ ഗ്രീന്‍ കാര്‍ഡുള്ളവരെയും തടയുന്നുണ്ട്. ഇറാഖ്, ഇറാന്‍, ലിബിയ, സോമാലിയ, സുഡാന്‍, സിറിയ, യെമന്‍ രാജ്യങ്ങളിലെ പൗര•ാരുടെ വിസയടിക്കുന്നത് ഇനിയൊരു അറിയിപ്പുണ്ടാകുന്നത് വരെ നിര്‍ത്തിവെച്ചതായി യു.എ.ഇയിലെ അമേരിക്കന്‍ നയതന്ത്ര കാര്യാലയം ഔദ്യോഗിക ട്വിറ്റര്‍ അക്കൗണ്ടില്‍ അറിയിച്ചിട്ടുണ്ട്. ഈ രാജ്യങ്ങളിലെ പൗര•ാരോ ഇരട്ട പൗരത്വമുള്ളവരോ വിസാ നടപടികള്‍ക്ക് ഹാജരാകരുതെന്നും വിസ ഫീസ് അടക്കരുതെന്നും അറിയിപ്പില്‍ പറയുന്നു.