രാജ്യാന്തര ഡോക്യുമെന്ററി ഹ്രസ്വ ചലച്ചിത്രമേളക്ക് ഇന്ന് ഷാര്ജയില് തുടക്കമാകും
രാജ്യാന്തര ഡോക്യുമെന്ററി ഹ്രസ്വ ചലച്ചിത്രമേള ഇന്നു രാത്രി എട്ടിന് അസോസിയേഷന് കമ്യൂണിറ്റി ഹാളില് ആരംഭിക്കും. ഇന്ത്യന് അസോസിയേഷനും (ഐഎഎസ്) കേരള ചലച്ചിത്ര അക്കാദമിയും ഇന്ത്യന് കോണ്സുലേറ്റും സംയുക്തമായിചേര്ന്നാണ് ഇത് സംഘടിപ്പിക്കുന്നത്. ഈ വര്ഷത്തെ ഏറ്റവും മികച്ച സിനിമയ്ക്കും സംവിധാനത്തിനുമുള്ള സംസ്ഥാന സര്ക്കാര് അവാര്ഡ് നേടിയ വിധു വിന്സെന്റ് ഉദ്ഘാടനം നിര്വഹിക്കും. ഫ്രഞ്ച് സംവിധായകന് സലിം അസ്സാമി സംവിധാനം ചെയ്ത 'എനിമീസ് വിത്തിന്' എന്ന ചിത്രം പ്രദര്ശിപ്പിക്കും. നാളെ രാവിലെ 9.30 മുതല് കേരള ചലച്ചിത്ര അക്കാദമിയുടെ ഫെസ്റ്റിവല് ചിത്രങ്ങളുടെ പ്രദര്ശനം ആരംഭിക്കും.
ഉച്ചയ്ക്കു രണ്ടിനു സണ്ണി ജോസഫ്, വിധു വിന്സെന്റ്, ഷൈനി ജേക്കബ് ബെഞ്ചമിന് എന്നിവരുമായി മുഖാമുഖം. രാത്രി ഒന്പതുവരെ സിനിമ പ്രദര്ശനം തുടരും. ഈ വര്ഷത്തെ അവാര്ഡ് ചിത്രമായ മാന്ഹോള് നാളെ രാത്രി എട്ടിനു മേളയില് പ്രദര്ശിപ്പിക്കും. ശനിയാഴ്ച രാവിലെ 9.30 മുതല് ചിത്രങ്ങളുടെ പ്രദര്ശനവും ഉച്ചയ്ക്കു രണ്ടിന് അടൂര് ഗോപാലകൃഷ്ണനുമായി മുഖാമുഖവും നടക്കും. വൈകിട്ട് 7.30നു സമാപന സമ്മേളനത്തില് സമഗ്ര സംഭാവനയ്ക്കുള്ള ഈ വര്ഷത്തെ ഐഎഎസ് അവാര്ഡ് അടൂര് ഗോപാലകൃഷ്ണനു സമ്മാനിക്കും. ഏപ്രില് ഒന്നിന് അടൂര് ഗോപാലകൃഷ്ണന്റെ 'എലിപ്പത്തായം' എന്ന ചിത്രത്തിന്റെ പ്രദര്ശനത്തോടെ മേള സമാപിക്കും. ആകെ 60 സിനിമകളാണ് പ്രദര്ശിപ്പിക്കുന്നത്. പ്രവേശനം സൗജന്യമാണ്.
പ്രവാസി വാര്ത്തകള്
https://www.facebook.com/Malayalivartha
