യുഎഇയിലെ പ്രവാസികള്‍ അറിയാന്‍. ഇനിമുതല്‍ മേക്കപ്പിടലും മുടി ചീകലുമൊക്കെ വീട്ടില്‍വച്ച്‌ നടത്തുക. വാഹനമോടിക്കുന്നതിനിടെ ഇത്‌ ചെയ്‌താല്‍ പോക്കറ്റ്‌ കാലിയാകും.
യുഎഇയില്‍ വാഹനമോടിക്കുന്നതിനിടെ നിയമലംഘനങ്ങള്‍ നടത്തുന്നവര്‍ക്ക്‌ വന്‍ പിഴ ചുമത്താനാണ്‌ ഗതാഗത വകുപ്പിന്റെ തീരുമാനം. ഡ്രൈവിങ്ങിനിടെ മേക്കപ്പ്‌ ചെയ്യുന്നവര്‍ക്കാണ്‌ ഏറ്റവും അധികം പിഴ ഈടാക്കുന്നത്‌. മേക്കപ്പിടുന്നവര്‍ക്ക്‌ 1000 ദിര്‍ഹം പിഴ ചുമത്തും. നിയമലംഘകര്‍ക്ക്‌ 12 ബ്ലാക്ക്‌ പോയിന്റുകള്‍ വിധിക്കുകയും വാഹനം ഒരു മാസത്തേക്ക്‌ പിടിച്ചുവയ്‌ക്കുകയും ചെയ്യും. വാഹനമോടിക്കുന്നതിനിടെ മുടി ചീകുന്നതും അറബികള്‍ തലയിലെ തരിക ശരിയാക്കുന്നതും സമാനമായ പിഴയ്‌ക്ക്‌ കാരണമാകും.
ഡ്രൈവിങ്ങിനിടെ മൊബൈല്‍ ഉപയോഗിക്കുന്നതിനെക്കാള്‍ അപകടകരമാണ്‌ മേക്കപ്പണിയുന്നതും മുടി ചീകലുമെന്നാണ്‌ കണ്ടെത്തല്‍. ഇതാണ്‌ ഫെഡറല്‍ ഗതാഗതനിയമത്തിലെ നടപടി കര്‍ശനമാക്കാന്‍ കാരണം.
സിഗ്നലിലോ ഇന്റര്‍സെക്ഷനിലോ മൊബൈല്‍ ഫോണ്‍ ഉപയോഗിക്കുന്നവര്‍ക്ക്‌ 200 ദിര്‍ഹം പിഴ ചുമത്തും. ഒപ്പം നാല്‌ ബ്ലാക്ക്‌ പോയിന്റുകളും ലഭിക്കും. ആവശ്യമെങ്കില്‍ ഹാന്റ്‌സ്‌ ഫ്രീ മൈക്രോ ഫോണുകള്‍ ഉപയോഗിച്ച്‌ സംസാരിക്കാം. എന്നാല്‍ സിഗ്നലുകളില്‍ കാര്‍ നിര്‍ത്തുന്ന സമയങ്ങളില്‍ മൊബൈല്‍ ഉപയോഗിക്കുന്നത്‌ തെറ്റാണ്‌.
കാര്‍ സിഗ്നലുകളിലെത്തുമ്പോള്‍ ഡ്രൈവര്‍ മറ്റു ജോലികളില്‍ മുഴുകുന്നത്‌ ഗതാഗതത്തെ തടസ്സപ്പെടുത്തുകയും അപകടങ്ങള്‍ക്ക്‌ ഇടയാകുകയും ചെയ്യും. ഡ്രൈവര്‍ക്ക്‌ മൊബൈലില്‍ സംസാരിക്കണമെന്നുണ്ടെങ്കില്‍ വാഹനം സുരക്ഷിതമായി റോഡരുകുകളില്‍ എവിടെയെങ്കിലും നിര്‍ത്തണം. വാഹനമോടിക്കുന്നതിനിടെ ഇന്റര്‍നെറ്റ്‌ സെര്‍ച്ച്‌ ചെയ്യുന്നതും മെസേജ്‌ അയക്കുന്നതും കുറ്റകരമാണ്‌.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha