ജനന നിയന്ത്രണത്തിനെതിരെ ബോധവല്‍ക്കരണം നടത്താന്‍ സീറോമലബാര്‍ സഭ ഇറക്കിയ ചോദ്യാവലിയില്‍ സ്വകാര്യതയ്‌ക്കെതിരെ കടന്ന് കയറ്റമെന്ന് ആക്ഷേപം. പരിഹാസവുമായി ഡോക്ടറുടെ മറുപടി
ജനനനിയന്ത്രണത്തിനെതിരെ ദമ്പതികള്‍ക്കിടയില്‍ ബോധവല്‍ക്കരണം നടത്താന്‍ സീറോ മലബാര്‍ സഭ ഇറക്കിയ ചോദ്യാവലി വിവാദമാകുന്നു. ജനനനിയന്ത്രണം പാപമാണെന്നും വിശ്വാസികള്‍ കൂടുതല്‍ കുട്ടികള്‍ക്ക് ജന്മം നല്‍കാത്തതില്‍ സഭയ്ക്ക് ആശങ്കയുമുണ്ട്. ഇതേ തുടര്‍ന്നാണ് വിശ്വാസികള്‍ക്കിടയില്‍ സര്‍വ്വേ നടത്താന്‍ സഭ തീരുമാനിച്ചത്. ഇതിന് ഉണ്ടാക്കിയ ചോദ്യാവലിയില്‍ സ്വകാര്യവിവരങ്ങളടക്കമുള്ള കാര്യങ്ങള്‍ ഉള്‍പ്പെടുത്തിയിട്ടുണ്ട്. ഇത് വ്യക്തിസ്വാതന്ത്ര്യത്തിന് മേലുള്ള കടന്ന് കയറ്റവും അസാന്‍മാര്‍ഗിക പ്രവൃത്തിയുമാണെന്ന് ചില വിശ്വാസികള്‍ ആരോപിക്കുന്നു.
നിങ്ങള്‍ കൃത്രിമ ഗര്‍ഭനിരോധന മാര്‍ഗങ്ങള്‍ ഉപയോഗിച്ചിട്ടുണ്ടോ ? , ഗുളികയാണോ , ഉറയാണോ ഉപയോഗിക്കുന്നത്. ഇതുപോലെയുള്ള ചോദ്യങ്ങളാണ് വിശ്വാസികളെ ചൊടിപ്പിച്ചിരിക്കുന്നത്. വിശ്വാസികള്‍ക്കിടയില്‍ നടത്തുന്ന സാധാരണ വിവരശേഖരണം മാത്രമാണെന്ന് കെ.സി.ബി.സി വക്താവ് വള്ളിക്കാട്ട് പറഞ്ഞു. ഇടുക്കി ജില്ലയിലെ പള്ളികളിലാണ് സര്‍വ്വേ നടക്കുന്നതെന്ന് സര്‍വ്വേ ചുമതലയുള്ള ഫാദര്‍ ജോസഫ് കൊല്ലക്കൊമ്പില്‍ പറഞ്ഞു. അതേസമയം സര്‍വ്വേയ്‌ക്കെതിരെ തിരുവനന്തപുരം മെഡിക്കല്‍ കോളജിലെ ഡോക്ടര്‍ ഡോ. വീണ ജെ.എസ് പരസ്യമായി രംഗത്തെത്തി. ചോദ്യാവലികള്‍ക്ക് പരിഹാസരൂപത്തിലുള്ള മറുപടി അവര്‍ ഫെയിസ്ബുക്കിലൂടെ പങ്കുവെച്ചു...
1) കോപ്പര്‍ ടി ഉപയോഗിച്ചാല്‍ പിന്നീട് ആവശ്യമെങ്കില്‍ ഗര്‍ഭം ധരിക്കാമോ?
ധരിക്കാം. കോപ്പര്‍ ടി ഊരുന്നതു മുതല്‍ ഗര്‍ഭത്തിനു സ്വാഭാവികമായ ചാന്‍സ് തിരികെ കിട്ടുന്നു. കോപ്പര്‍ ടിയുടെ ഴീീറ രമിറശറമലേ ആണോ എന്നത് മാത്രമാണ് പ്രശ്‌നം. ഉപയോഗിച്ച് നോക്കിയാലെ മനസ്സിലാവൂ. ഗുഡ് കാന്‍ഡിഡേറ്റ് അല്ലെങ്കില്‍, ഊരാന്‍ ഡോക്ടര്‍ നിര്‍ദേശിക്കും. കോപ്പര്‍ ടി ഇട്ടശേഷമുള്ള ആദ്യത്തെ രണ്ടുമൂന്നു ആര്‍ത്തവചക്രങ്ങളില്‍ ഡോക്ടറുടെ സേവനം ലഭ്യമാക്കണമെന്ന് പറയാന്‍ കാരണം ഇതാണ്.
2) ഇന്‍സെര്‍ട്ട് ചെയ്താല്‍ സെക്‌സ് ചെയ്യുന്നതിന് എത്ര നാള്‍ കാക്കണം?
ഇട്ടു കഴിഞ്ഞ് അടുത്ത നിമിഷം മുതല്‍ ഗര്‍ഭനിരോധനം സാധ്യമാവുന്നു.
3) കുട്ടിക്ക് 11 മാസമായി. ഇനി കോപ്പര്‍ ടി എപ്പോള്‍ ചെയ്യാം?
പ്രസവത്തില്‍ മറുപിള്ള പുറന്തള്ളിയ ശേഷം വരെ ഇടാമെങ്കിലും, അണുബാധയുടെ സാധ്യത പരിഗണിച്ചു ബ്ലീഡിങ്ങും യോനീസ്രവവും നിന്ന ശേഷമാണ് കോപ്പര്‍ ടി സാധാരണ ഇടുന്നത്. അതേ പോലെ അബോര്‍ഷന്‍ കഴിഞ്ഞ് സ്രവങ്ങള്‍ നിന്നിട്ട്.
4) പ്രാധമികാരോഗ്യ കേന്ദ്രത്തില്‍ നടക്കുമോ? എത്ര സമയം വേണം? ബൈ സ്റ്റാന്‍ഡര്‍ വേണമോ?.
എല്ലാ പ്രാഥമിക ആരോഗ്യകേന്ദ്രങ്ങളിലും സേവനം ലഭ്യമാക്കാന്‍ ട്രെയിനിങ് ലഭിച്ച സ്റ്റാഫ് ഉണ്ട്. വളരെ ചുരുങ്ങിയ സമയം മതി കോപ്പര്‍ ടി നിക്ഷേപിക്കാന്‍. ക്ലീന്‍ ചെയ്യാനും ഇടാനും മിനിട്ടുകള്‍.
5) വേദന ഉണ്ടാവുമോ ?
ചെറിയ വേദന പ്രതീക്ഷിക്കുക. ആര്‍ത്തവം കഴിഞ്ഞ അടുത്ത ദിവസങ്ങളില്‍ വേദന കുറവാണ്. ഗര്‍ഭാശയഗളത്തിന്റെ പേശികള്‍ ഉപകരണം കൊണ്ട് പിടിക്കുമ്പോള്‍ ഒരു ചെറിയ വേദന ഉണ്ടാകാം. കോപ്പര്‍ ഇട്ടു കഴിയുമ്പോള്‍ ആ വേദന പൂര്‍ണമായും മാറും. അടുത്ത ആര്‍ത്തവം ചിലപ്പോള്‍ സാധാരണയില്‍ കവിഞ്ഞു വേദന കാണാം. വേദനസംഹാരി എടുക്കാവുന്നതാണ്. രക്തസ്രാവം കൂടുതലാണെങ്കില്‍ അതിന്റെ മരുന്നും ഡോക്ടര്‍ നിര്‍ദേശിക്കും.
https://www.facebook.com/Malayalivartha
