എന്താ സാറേ, കാലം മാറിയതറിഞ്ഞില്ലേ... നിഖാബ് ധരിക്കാതെ ആവശ്യപ്പെട്ട സേവനം നല്കില്ലെന്ന് ക്ലാര്ക്ക്, സംഭവം വിവാദമായതോടെ അവസാനം യുവതി മാപ്പ് പറഞ്ഞു
നിഖാബ് ധരിക്കാതെ ആവശ്യപ്പെട്ട സേവനം നല്കില്ലെന്ന് അവതാരിക മുന അബൂ സുലൈമാനോട് സൗദി നീതിന്യായ മന്ത്രാലയത്തിലെ ക്ലാര്ക്ക് തുറന്നടിച്ചു. സൗദിയിലെ പ്രശസ്ത ടിവി ഷോ ആയ എം.ബി.സിയിലെ കലാം നവായിം പരിപാടിയുടെ സഹ അവതാരിക മുന അബൂവാണ് വിവാദങ്ങള് പിന്നില്.
കാലം മാറിയതറിഞ്ഞില്ലേയെന്ന് യുവതി മറുചോദ്യം ചോദിക്കാന് മറന്നില്ല.അതോടെ വിഷയം കൂടുതല് വഷളായി മാറുകയായിരുന്നു.തുടര്ന്ന് 10 മിനിറ്റ് കൊണ്ട് ആവശ്യപ്പെട്ട രേഖയും നല്കി. അവസാനം യുവതി മാപ്പും പറഞ്ഞു.
സൗദിയിലെ പ്രശസ്ത ടിവി ഷോ ആയ എം.ബി.സിയിലെ സഹഅവതാരികയാണ് യുവതി. തലമറയ്ക്കുന്ന ഹിജാബ് ധരിച്ചിരുന്നുവെങ്കിലും മുഖാവരണമില്ലാതെ നീതിന്യായ മന്ത്രാലയത്തില് ഒരു പേപ്പര് ശരിയാക്കാന് വേണ്ടി പോയ അവര് ക്ലര്ക്കിന്റെ മറുപടി കേട്ട് ഞെട്ടി. മുഖം മറയ്ക്കാതെ കടലാസ് തരില്ലെന്നായിരുന്നു പുരുഷ ക്ലര്ക്ക് പറഞ്ഞത്.
പരിഷ്ക്കരണവാദിയായ കിരീടാവകാശി മുഹമ്മദ് ബിന് സല്മാനാണ് ഭരണത്തിലെന്നും സ്ത്രീകള് മുഖാവരണം അണിയേണ്ടതില്ലെന്ന് അദ്ദേഹം പറഞ്ഞിട്ടുണ്ടെന്നും യുവതി പ്രതികരിച്ചതോടെ ക്ലാര്ക്ക് വെട്ടിലായി. അവസാനം ഓഫീസിലെ ഏതാനും പേരോട് സംസാരിച്ച ശേഷം, ആവശ്യപ്പെട്ട രേഖ കൊടുക്കാന് ക്ലര്ക്ക് നിര്ബന്ധിതനാവുകയായിരുന്നു.
സൗദി കോടീശ്വരന് പ്രിന്സ് അല് വലീദ് ബിന് തലാലിന്റെ നേതൃത്വത്തിലുള്ള ഫൗണ്ടേഷന്റെ സ്ഥാപക സെക്രട്ടറി ജനറല് കൂടിയായ മുന തന്റെ അനുഭവം ട്വിറ്ററില് പോസ്റ്റ് ചെയ്തതോടെയാണ് വിവാദം കത്തിയത്. യുവതിയ്ക്ക് അനുകൂലമായും പ്രതികൂലമായും പ്രതികരണങ്ങളെത്തി.
https://www.facebook.com/Malayalivartha