സൗദിയിൽ 24 വർഷം നീണ്ട പ്രവാസജീവിതം; നാട്ടിലേക്ക് മടങ്ങാനിരിക്കവേ ഹൃദയാഘാതത്തെ തുടര്‍ന്ന് മരണപ്പെട്ടു
സൗദിയിലെ ത്വാഇഫിൽ ഹൃദയാഘാതത്തെ തുടര്‍ന്ന് പ്രവാസി മലയാളി മരണപ്പെട്ടതായി റിപ്പോർട്ടുകൾ. തിരുവനന്തപുരം പാങ്ങോട് മൂലപ്പേഴ്‌ മൂന്നുമുക്ക് സ്വദേശി കെ.വി ഹൗസില്‍ ഷാജഹാനാണ് (54) ആണ് മരിച്ചത്. ബുധനാഴ്ച്ച രാത്രി 11 മണിയോടെ താമസസ്ഥലത്ത് വെച്ച്‌ ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് റെഡ്ക്രസന്‍റ് ആംബുലന്‍സെത്തി ആശുപത്രിയില്‍ പ്രവേശിപ്പിച്ചങ്കിലും ജീവന്‍ രക്ഷിക്കാനായില്ല.
ത്വാഇഫിലെ കിങ് ഫൈസല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം ത്വാഇഫില്‍ തന്നെ ഖബറടക്കും. 24 വര്‍ഷമായി ഇയാൾ ത്വാഇഫിലുണ്ട്. മൂന്ന് മാസത്തോളമായി നാട്ടില്‍ പോകാനുള്ള ശ്രമത്തിലായിരുന്നു.
ഇഖാമ കാലാവധി അവസാനിക്കുകയും തുടര്‍ന്ന് പുതുക്കാന്‍ കഴിയാതെ വരികയും ചെയ്തതിനാല്‍ നാട്ടില്‍ പോകുന്നത് നീണ്ടുപോകുകയായിരുന്നു. പിതാവ് : പരേതനായ അബുബക്കര്‍. ഭാര്യ: നൂര്‍ജി. മക്കള്‍: മുംതാസ്, മുജീബ്, മുനീറ. സഹോദരന്‍: നസീര്‍.
https://www.facebook.com/Malayalivartha
