കുവൈറ്റിൽ മലയാളി പ്രവാസി കുഴഞ്ഞ് വീണ് മരിച്ചു. കാസര്‍കോട് ബെവിഞ്ച സ്വദേശി ജലീം ആണ് മരിച്ചത്. പന്ത്രണ്ട് ദിവസം മുൻപാണ് ജലീം ജോലി തേടി കുവൈറ്റിലെത്തിയത്.

കഴിഞ്ഞ ദിവസമാണ് ഇയാൾ ജോലിയില്‍ പ്രവേശിച്ചത്. ജെഹ്രയിലെ സ്വകാര്യ കമ്പനിയിലായിരുന്നു ജോലി. ഇന്നലെ ജോലി സ്ഥലത്ത് കുഴഞ്ഞുവീഴുകയായിരുന്നു. മൃതദേഹം ദജീജിലേക്ക് മാറ്റി. നാട്ടിലേക്ക് കൊണ്ടുപോകുന്നതിനുള്ള നടപടിക്രമങ്ങള്‍ ആരംഭിച്ചു.