ദുബായിൽ ഉറങ്ങി കിടന്ന യുവതിയെ പീഡിപ്പിയ്ക്കാന്‍ ശ്രമിച്ച 19 കാരന്‍ പോലീസ് പിടിയിലായി. തൊഴില്‍ രഹിതനായ പാകിസ്ഥാനി യുവാവാണ് ഫിലിപ്പീന്‍ യുവതിയെ പീഡിപ്പിക്കാന്‍ ശ്രമിച്ചത്. മാര്‍ച്ച്‌ 19നാണ് കേസിന് ആസ്പദമായ സംഭവം നടന്നത്.

38കാരിയായ ഫിലീപ്പീന്‍ യുവതിയുടെ സ്വകാര്യ ഭാഗങ്ങളില്‍ പ്രതി സ്പര്‍ശിച്ച്‌ അവരെ ചുംബിയ്ക്കാന്‍ ശ്രമിക്കുകയായിരുന്നു. ഉടന്‍ തന്നെ യുവാവിനെതിരെ അല്‍-ഖസാസീസ് യുവതി പൊലീസില്‍ പരാതി നല്‍കി. അല്‍-ഖസാസീസ് വ്യവസായ മേഖലയിലെ ഒരു കെട്ടിടത്തിലെ റിസപ്ഷനില്‍ സുഹൃത്തിനെ കാത്തിരിക്കുകയായിരുന്നു യുവതി.

എന്നാല്‍ കടുത്ത ചുമയും പനിയും ബാധിച്ചതിനെ തുടര്‍ന്ന് ഏറെ ക്ഷീണിതയായ യുവതി ഉറങ്ങിപ്പോയി. ഇതിനിടെ പ്രതിയുടെ കരസ്പര്‍ശനമേറ്റ യുവതി ഞെട്ടിയേണിക്കുകയായിരുന്നു. മൂന്ന് മാസത്തെ ജയില്‍ ശിക്ഷയ്ക്കും തുടര്‍ന്ന് നാട് കടത്താനുമാണ് യുവാവിനെതിരെ ദുബായ് കോടതി വിധിച്ചത്. ഇതിന് മുൻപ് ദുബായ് വില്ലയില്‍ നിന്നും 70,000 ദിര്‍ഹം വരുന്ന ആഭരണങ്ങള്‍ മോഷ്ടിച്ചതിന് യുവാവ് മൂന്ന് വര്‍ഷത്തെ ജയില്‍ശിക്ഷ അനുഭവിച്ചിരുന്നു.