റിയാദ് :പ്രവാസി മലയാളി ഫെഡറേഷൻ സൗദി നാഷണൽ കമ്മിറ്റിയുടെ വിവിധ യൂണിറ്റുകളിൽ നടക്കുന്ന റമദാൻ കിറ്റ് വിതരണത്തിന്റെ ഭാഗമായി മുസാഹ്മിയ യൂണിറ്റിന്റെ നേതൃത്വത്തിലും കിറ്റ് വിതരണം നടന്നു. അരി, എണ്ണ, സവാള, കിഴങ്ങു തുടങ്ങി അനവധി പലവ്യഞ്ജനങ്ങൾ അടക്കമുള്ളതാണ് കിറ്റ്. മുസാഹ്മിയയിൽ നിന്നും 100 കിലോ മീറ്റർ അകലെയുള്ള അൽജില്ലയിലും പ്രാന്ത പ്രദേശങ്ങളിലുമുള്ള വിവിധ രാജ്യങ്ങളിലുള്ള തൊഴിലാളികളെ കണ്ടെത്തിയാണ് കിറ്റുകൾ എത്തിച്ചത്.

പ്രസിഡന്റ് വിജയ് കുമാർ, നാഷണൽ കമ്മിറ്റി പി.ആർ.ഒ പ്രമോദ് കൊടുങ്ങല്ലൂർ,യൂണിറ്റ് കോഡിനേറ്റർ, സലിം പവുമ്പ, സെക്രട്ടറി ബിജു പുനലൂർ, വൈസ് പ്രസിഡന്റ് മണി കോതമംഗലം, ജോയിന്റ് സെക്രട്ടറി ബൈജു ഖാൻ, ചാരിറ്റി കൺവീനർ വത്സരാജ് കണ്ണൂർ, എക്സിക്യൂട്ടീവ് കമ്മിറ്റി അംഗങ്ങളായ പോൾ ജോർജ് തൃശൂർ, ജോയ് ചക്കിയത്, സിറാജ് മുക്കം, റിയാദിൽ നിന്നും ഗ്ലോബൽ പ്രസിഡന്റ് റാഫി പാങ്ങോട്, റിയാദ് സെൻട്രൽ കമ്മീറ്റി ചാരിറ്റി കൺവീനർ രാജു പാലക്കാട് എന്നിവർ പങ്കെടുത്തു. വരും നാളുകളിൽ ദുർമ, മുസാമിയ പ്രദേശങ്ങളിലേക്ക് കിറ്റ് വിതരണം വ്യാപിപ്പിക്കുമെന്ന് യൂണിറ്റ് പ്രസിഡന്റ് വിജയകുമാർ അറിയിച്ചു .