മക്കളുമൊത്ത് വിനോദയാത്രയ്ക്കു പോയ മലയാളി വനിത യുഎസില് വാഹനാപകടത്തില് മരിച്ചു
അമേരിക്കയിലെ അറ്റ്ലാന്റയില് മക്കളുമൊത്ത് വിനോദയാത്രയ്ക്ക് പോയ മലയാളി വനിത വാഹനാപകടത്തില് മരിച്ചു. അറ്റ്ലാന്റയിലെ ബയോ ഐവിടി കമ്പനിയില് ഏഷ്യ റീജിയന് ബിസിനസ് ആന്ഡ് മാര്ക്കറ്റിങ് അനലിസ്റ്റായ തിരുവനന്തപുരം പിഎംജി ജങ്ഷന് വികാസ് ലെയ്ന് വള്ളോന്തറയില് ആന്സി ജോസ് (43) ആണ് മരിച്ചത്.
ഇവര് സഞ്ചരിച്ച കാര് ട്രെയ്ലര് ലോറിക്ക് പിന്നില് ഇടിച്ചാണ് അപകടം. ഒപ്പമുണ്ടായിരുന്ന മകള് നവോമി ഗുരുതരമായി പരിക്കേറ്റ് ആശുപത്രിയിലാണ്. മറ്റ് മക്കളായ അന, ഇവ എന്നിവര് കാര്യമായ പരിക്കുകളില്ലാതെ രക്ഷപ്പെട്ടു. ആന്സിയുടെ സംസ്കാരം ശനിയാഴ്ച യുഎസ് സമയം രാവിലെ 10ന് അറ്റ്ലാന്റയില് നടത്തും.
ന്യൂയോര്ക്കിലെ ലോങ് ഐലന്ഡ് യൂണിവേഴ്സിറ്റിയില് വെബ് ഡെവലപ്മെന്റ് വിഭാഗം ഡയറക്ടറായ എറണാകുളം കടവന്ത വില്ലോത്ത് വിനോദിന്റെ ഭാര്യയായ ആന്സി കഴിഞ്ഞ 24ന് പുലര്ച്ചെ അറ്റ്ലാന്റയിലെ താമസ സ്ഥലത്ത് നിന്ന് മക്കളുമൊത്ത് സൗത്ത് കാരലിനയിലെ ബീച്ചിലേക്ക് കാര് ഓടിച്ച് പോകുമ്പോഴാണ് അപകടമുണ്ടായത്. ഇടിയുടെ ആഘാതത്തില് കാര് പൂര്ണ്ണമായും തകര്ന്നു. ആന്സി സംഭവ സ്ഥലത്ത് വച്ച് തന്നെ മരിച്ചു
ഐസിയുവിലുള്ള മകള് നവോമി അപകട നില തരണം ചെയ്തിട്ടുണ്ട്. അനയുടെ ഇരട്ട സഹോദരിയാണ് നവേമി. വിവരം അറിഞ്ഞ് ആന്സിയുടെ മാതാപിതാക്കള് അമേരിക്കയിലെത്തിയിട്ടുണ്ട്. വര്ഷങ്ങളായി അമേരിക്കയില് സ്ഥിരതാമസക്കാരാണ് വിനോദും ആന്സിയും .
https://www.facebook.com/Malayalivartha