സലാല: സലാലയില്‍ ചികിത്സയിലായിരുന്ന പ്രവാസി മലയാളി മരണപ്പെട്ടു. ഇടുക്കി സ്വദേശി തണ്ടയില്‍ അബൂബക്കര്‍ (38) ആണ് മരിച്ചത്. ശനിയാഴ്ച രാത്രിയാണ് ഇയാളെ ശാരീരിക അസ്വാസ്ഥ്യതയെ തുടര്‍ന്ന് സലാല സുല്‍ത്താന്‍ ഖാബൂസ് ആശുപത്രിയില്‍ പ്രവേശിപ്പിക്കുകയായിരുന്നു.

വണ്ടി ഓടിക്കുന്നതിനിടെ ശാരീരികമായി ബുദ്ധിമുട്ട് അനുഭവപ്പെട്ട അബൂബക്കര്‍ വാഹനം റോഡരികില്‍ നിര്‍ത്തി വിശ്രമിക്കുകയായിരുന്നു. പോലീസ് സ്ഥലത്തെത്തിയാണ് ഇദ്ദേഹത്തെ ആശുപത്രിയില്‍ പ്രവേശിപ്പിച്ചത്. ഷമീല സെയിന്‍ ആണ് ഭാര്യ. മുഹമ്മദ് യാസീന്‍ (13), ഫാത്തിമ തസ്‌നീം (8) എന്നിവര്‍ മക്കളാണ്.