ബഹ്‌റൈനിൽ ജോലി തേടിയെത്തിയ മലയാളി യുവാവ് കുത്തേറ്റു മരിച്ചു. സംഭവത്തില്‍ കൂടെ താമസിക്കുന്ന മലയാളിയെ പൊലീസ് അറസ്റ്റു ചെയ്തു. സല്‍മാബാദിലെ താമസസ്ഥലത്ത് നിന്ന് മലയാളിയായ പ്രതിയെ പോലീസ് അറസ്റ്റ് ചെയ്‌തെങ്കിലും കൂടുതല്‍ വിവരങ്ങള്‍ പുറത്തു വിട്ടിട്ടില്ല.

കൊല്ലം കരുനാഗപ്പളളി കോഴിക്കോട് കൊച്ചു വീട്ടില്‍ മോഹന്‍ദാസിന്റെ മകന്‍ ചിന്തു ദാസ് (30) ആണ് മരിച്ചത്. ബിജിയാണ് ചിന്തുവിന്റെ ഭാര്യ. ആറ് വയസ്സും, രണ്ട് മാസവും പ്രായമുളള രണ്ട് കുട്ടികളുണ്ട്.മുൻപ് ഖത്തര്‍, യു.എ.ഇ എിവിടങ്ങളില്‍ ജോലി ചെയ്തിരുന്ന ചിന്തു ദാസ് സേഫ്റ്റി ഓഫീസറായി ജോലി അന്വേഷിച്ചാണ് ബഹ്‌റൈനിലെത്തിയത്. രണ്ട് മാസം തികയും മുമ്പാണ് ദാരുണ സംഭവം.