മനാമ: ബഹ്റൈനില്‍ മലയാളി യുവാവ് കുത്തേറ്റു മരിച്ചു. കൊല്ലം കരുനാഗപ്പള്ളി സ്വദേശി കൊച്ചു വീട്ടില്‍ മോഹന്‍ദാസിന്റെ മകന്‍ ചിന്തു ദാസ് (30) ആണ് മരിച്ചത്. സംഭവത്തിൽ കൂടെ താമസിക്കുന്ന മലയാളിയെ പൊലീസ് അറസ്റ്റു ചെയ്തു.

രണ്ടു മാസം മുൻപാണ് ചിന്തു ദാസ് സേഫ്റ്റി ഓഫീസറായി ജോലി ചെയ്യാനായി ബഹ്റൈനിലെത്തിയത്. ഇതിന് മുൻപ് ഖത്തര്‍, യു.എ.ഇ എിവിടങ്ങളില്‍ ജോലി ചെയ്തിട്ടുണ്ട്. സല്‍മാബാദിലെ താമസസ്ഥലത്ത് നിന്ന് മലയാളിയായ പ്രതിയെ പൊലീസ് അറസ്റ്റ് ചെയ്തെങ്കിലും കൂടുതല്‍ വിവരങ്ങള്‍ പുറത്തു വിട്ടിട്ടില്ല.

ബിജിയാണ് ചിന്തുവിന്റെ ഭാര്യ. ആറ് വയസ്സും രണ്ട് മാസവും പ്രായമുള്ള രണ്ട് കുട്ടികളുണ്ട്. സല്‍മാനിയ ആശുപത്രി മോര്‍ച്ചറിയിലുള്ള മൃതദേഹം നടപടികള്‍ പൂര്‍ത്തിയാക്കിയ ശേഷം നാട്ടിലേക്ക് അയക്കും.