വേള്‍ഡ് മലയാളി കൗണ്‍സില്‍ അമേരിക്ക കോണ്‍ഫറന്‍സിനു തുടക്കം; സിറ്റി മേയര്‍ സജി ജോര്‍ജ് ചടങ്ങ് ഉത്ഘാടനം ചെയ്തു
വേള്‍ഡ് മലയാളി കൗണ്‍സില്‍ അമേരിക്ക റീജിയന്റെ പതിനൊന്നാമത് ബയനീയല്‍ കോണ്‍ഫറന്‍സിന് ഡാലന്‍സില്‍ തുടക്കമായി. സണ്ണി വെയ്ല്‍ സിറ്റി മേയര്‍ സജി ജോര്‍ജ് ചടങ്ങ് ഉദ്ഘാടനം ചെയ്തു. റീജിയന്‍ പ്രസിഡന്റ് പി. സി മാത്യു അധ്യക്ഷത വഹിച്ചു. റീജിയന്‍ സെക്രട്ടറി കുരിയന്‍ സഖറിയാ, ട്രഷറര്‍ ഫിലിപ്പ് മാരേട്ട്, ഇലക്ഷന്‍ കമ്മിഷണര്‍ ചാക്കോ കോയിക്കലേത്, എല്‍ദോ പീറ്റര്‍, റീജിയന്‍ വൈസ് ചെയര്‍മാന്‍ വര്‍ഗീസ് കയ്യാലക്കകം, ത്രേസിയായമ്മ നാടാവള്ളില്‍, ഡോ. രുഗ്മിണി പത്മകുമാര്‍, സുധീര്‍ നമ്പ്യാര്‍, റെവ. ഷാജി കെ. ഡാനിയേല്‍ എന്നി റീജിയന്‍ നേതാക്കളും ചടങ്ങില്‍ പങ്കെടുത്തു.
യൂണിഫിക്കേഷന് ശേഷം സാബു ജോസഫ് സി. പി. എയുടെ നേതൃത്വത്തില്‍ ഫിലഡല്‍ഫിയയില്‍ നടത്തിയ കോണ്‍ഫറന്‍സില്‍ തിരഞ്ഞെടുക്കപ്പെട്ട ജോര്‍ജ് പനക്കലിന്റെയും പി. സി. മാത്യുവിന്റെയും കുര്യന്‍ സഖറിയ, ഫിലിപ്പ് മാരേട്ട്, എല്‍ദോ പീറ്റര്‍ എന്നിവരുടെ പരിശ്രമത്തിന്റെ ഫലമായി ഇന്ന് എട്ടു പ്രൊവിന്‍സുകള്‍ തല ഉയര്‍ത്തി നില്‍ക്കുന്നു. തുടര്‍ന്നു ത്രേസിയാമ്മ നാടാവള്ളി, എബ്രഹാം ജോണ്‍ എന്നിവരുടെ നേതൃത്വത്തില്‍ നടത്തിയ സാഹിത്യ സമ്മേളനത്തില്‍ സുധീര്‍ നമ്പ്യാര്‍, രുഗ്മിണി പത്മകുമാര്‍, മഹേഷ് പിള്ള, എസ്. കെ, ചെറിയാന്, റോയ് മാത്യു, തോമസ് മാത്യു, തോമസ് മൊട്ടക്കല്‍ മുതലായവര്‍ പങ്കെടുത്തു. ഷിക്കാഗോയില്‍ നിന്നും എത്തിയ ആന്‍ ലൂക്കോസ്, ബിജി എഡ്വേര്‍ഡ് എന്നിവര്‍ നയിച്ച സിമ്പോസിയം, ബോബി കുരിയന്‍, ജയ്‌സി ജോര്‍ജ് എന്നിവരുടെ പങ്കാളിത്തത്തോടെ അതിമനോഹരമാക്കി. യൂത്ത് എംപവര്‍മെന്റ് ഒരു ഭാവി പ്രതീക്ഷ എന്ന വിഷയം സദസിന്റെ കയ്യടി ഏറ്റുവാങ്ങി. ഫ്രിക്‌സ്‌മോന്‍ മൈക്കിള്‍ നയിച്ച ബിസിനസ് ഫോറം സെമിനാറില്‍ തോമസ് മൊട്ടക്കല്‍, ഷിബു സാമുവേല്‍, തോമസ് ചിലത്, കോശി ഉമ്മന്‍, പി. സി. മാത്യു, എസ്. കെ. ചെറിയാന് മുതലായവര്‍ പങ്കെടുത്തു.
കൂടാതെ വാലിഡിക്ടോറിയന്‍ കെസിയ ജോണ്‍സണ്‍, സ്‌റ്റെര്‍ലിന്‍ ചാര്‍ലി, ഗണേഷ് സാജന്‍ തുടങ്ങിയവരെ ആദരിച്ചു. സഞ്ജന സുധീറിനും, ദേവ് പിന്റോയ്ക്കും പ്രകൃതി സംരക്ഷണതിന് അവാര്‍ഡുകള്‍ നല്‍കി. വിവിധ പരിപാടികളില്‍ പങ്കെടുത്തവരെ ആദരിച്ചു.
https://www.facebook.com/Malayalivartha
