ഇനിമുതല് ഭാര്യയെ ഉപേക്ഷിക്കുന്ന എന്ആര്ഐ ഭര്ത്താക്കന്മാക്ക് പണികിട്ടും; കള്ള ഭര്ത്താക്കന്മാരെ കുടുക്കാന് പുതിയ നിയമം വരുന്നു
ഭാര്യയെ ഉപേക്ഷിച്ചു പോകുകയും കോടതിയില്നിന്നുള്ള സമന്സ് കൈപ്പറ്റാതെ മുങ്ങി നടക്കുന്ന എന്ആര്ഐ ഭര്ത്താക്കന്മാരെ നിയമത്തിനു മുന്നില് കൊണ്ടുവരാന് കേന്ദ്ര ഗവണ്മെന്റ് നിയമഭേദഗതി കൊണ്ടുവരുന്നു. നിര്ണായക നീക്കമായാണ് ഇതിനെ നിയമ വിദക്തന് വിലയിരുത്തുന്നത്.
ഇത്തരത്തില് മുങ്ങി നടക്കുന്ന ഭര്ത്താക്കന്മാരുടെ സ്വത്തുക്കള് കണ്ടുകെട്ടുക, വില്ക്കുന്നത് തടയുക, പാസ്പോര്ട്ട് കണ്ടുകെട്ടുക തുടങ്ങിയ നടപടികള്ക്കാണ് നീക്കം. വിദേശത്ത് സുഖജീവിതം വാഗ്ദാനം ചെയ്ത് വിവാഹം ചെയ്ത ശേഷം ഭാര്യയെ ഉപേക്ഷിച്ചുപോകുകയും നിയമനടപടികളില്നിന്ന് ഒഴിവാകാന് കോടതിയില്നിന്നുള്ള സമന്സ് കൈപ്പാറ്റാതെ ഒളിച്ചുനടക്കുകയും ചെയ്യുന്ന വിദേശ ഇന്ത്യക്കാരുടെ എണ്ണം പെരുകുന്ന സാഹചര്യത്തിലാണ് നിയമനിര്മ്മാണത്തെപ്പറ്റി ആലോചിക്കുന്നത്. ഇത്തരം കേസുകള് റിപ്പോര്ട്ട് ചെയ്തിട്ടുള്ളത് ഏറെയും പഞ്ചാബില്നിന്നാണ്.
അതുപൊലെ തന്നെ സര്ക്കാര് സമന്സ് കൈപ്പറ്റാന് കൂട്ടാക്കാതിരിക്കുകയോ കൈപ്പറ്റിയിട്ട് മറുപടി നല്കാതിരിക്കുകയോ ചെയ്താല് അത് വിദേശകാര്യമന്ത്രാലയം പ്രത്യേകം തയ്യാറാക്കുന്ന വെബ്സൈറ്റില് പ്രസിദ്ധികരിക്കും, ഒരു നിശ്ചിത സമയത്തിനു ശേഷം സമന്സ് കൈപ്പറ്റിയതായി കണക്കാക്കി നിയമനടപടികള് മുമ്പോട്ടുകൊണ്ടുപോകുകയും ചെയ്യും. വിവാഹം കഴിഞ്ഞ് 48 മണിക്കൂറിനുള്ളില് എന്ആര്ഐ വിവാഹങ്ങള് രജിസ്റ്റര് ചെയ്യണമെന്നും നിയമത്തില് വ്യവസ്ഥ ചെയ്യും.
https://www.facebook.com/Malayalivartha