ഷിക്കാഗോയില്‍ മലയാളി പിക്‌നിക്കിന്റെ ഒരുക്കങ്ങള്‍ പൂര്‍ത്തിയായതായി അധികൃതര്‍; വിവിധ തരം മത്സരങ്ങളും രുചികരമായ ഭക്ഷണങ്ങളും പിക്‌നിക്കിന്റെ ഭാഗമായി അധികൃതര്‍ ഒരുക്കിയിട്ടുണ്ട്
സാധാരണ വിവിധ വില്ലേജുകളുടെയോ, താലൂക്കുകളുടേയോ അടിസ്ഥാനത്തിലുള്ള പിക്‌നിക്കുകള്‍ ഷിക്കാഗോയില്‍ പതിവാണ്. എന്നാല്‍ ഷിക്കാഗോയിലും പരിസരപ്രദേശങ്ങളിലും താമസിക്കുന്ന എല്ലാ കേരളീയര്‍ക്കും ജാതിയുടെയോ മതത്തിന്റെയോ വേര്‍തിരിവുകളില്ലാതെ പ്രാദേശികമായ വിഭാഗീയ ചിന്തകളില്ലാതെ നമ്മുടെ കേരളം, നാമെല്ലാം മലയാളികള്‍ എന്ന സാഹോദര്യത്തിന്റെ വികാരമുണര്‍ത്തുന്നതിന്റെ ഭാഗമാാണ് ഈ പിക്‌നിക് ഒരുക്കിയിരിക്കുന്നത്.
ഷിക്കാഗോയിലും പരിസര പ്രദേശങ്ങളിലും താമസിക്കുന്ന സകല മലയാളികള്‍ക്കുമായി ഷിക്കാഗോ മലയാളി അസോസിയേഷന്‍ ഒരുക്കുന്ന ഷിക്കാഗോ മലയാളി പിക്‌നിക്കിന്റെ ഒരുക്കങ്ങള്‍ പൂര്‍ത്തിയായി. ജൂണ്‍ 16 ശനിയാഴ്ച രാവിലെ 11 മുതല്‍ വൈകിട്ട് ആറുവരെ മോര്‍ട്ടന്‍ ഗ്രോവിലുള്ള ലാര്‍ജ് ഗ്രോവ് ഷെല്‍ട്ടര്‍.
പിക്‌നിക് കമ്മിറ്റിയില്‍ സണ്ണി മൂക്കെട്ട് (കണ്‍വീനര്‍) , ജോഷി മാത്യു പുത്തൂരാന്‍, ചാക്കോ തോമസ് മറ്റത്തിപ്പറമ്പില്‍ എന്നിവരാണുള്ളത് എന്നിവരാണുള്ളത് . കൊച്ചു കുട്ടികള്‍ മുതല്‍ മുതിര്‍ന്നവര്‍ വരെ എല്ലാവര്‍ക്കും പങ്കെടുക്കാവുന്ന എല്ലാ വിഭാഗം ആളുകള്‍ക്കും ആഹഌദം പകരുന്ന പരിപാടികളാണ് ആസൂത്രണം ചെയ്തിരിക്കുന്നത് .വിവിധ തരം മത്സരങ്ങളും കളികളും രുചികരമായ ഭക്ഷണങ്ങളും ഒരുക്കിയിട്ടുണ്ട്. സ്ഥിരം പിക്‌നികുകളില്‍ നിന്നും വ്യത്യസ്തമായ പല കേരളീയ വിഭവങ്ങളും പ്രതീക്ഷിക്കാമെന്ന് പിക്‌നിക് കമ്മിറ്റി അറിയിച്ചിട്ടുണ്ട് മത്സരങ്ങളില്‍ വിജയികളാകുന്നവര്‍ക്ക് സമ്മാനങ്ങളും നല്‍കും
ഗൃഹാതുരത്വം തൊട്ടുണര്‍ത്തുവാനും, പഴയതും പുതിയതുമായ അനുഭവങ്ങള്‍ പങ്കുവെയ്ക്കുവാനും സൗഹൃദങ്ങളെ ഊട്ടിയുറപ്പിക്കുവാനും മറ്റു മലയാളികളെ പരിചയപ്പെടുവാനും അവസരം നല്‍കുന്ന ഈ പിക്‌നിക്കിലേക്ക് എല്ലാ മലയാളികളെയും കുടുംബസമേതം സ്വാഗതം ചെയ്യ്തിരിക്കുകയാണ് അധികൃതര്‍ കൂടുതല്‍ വിവരങ്ങള്‍ക്ക് സണ്ണി മൂക്കെട്ട് (847 401 2742 ) , ജോഷി പുത്തൂരാന്‍ (630 544 7780) ചാക്കോ തോമസ് മറ്റത്തിപ്പറമ്പില്‍ ( 847 373 8756) എന്നിവരുമായി ബന്ധപെടുക.
https://www.facebook.com/Malayalivartha
