സൗദി ന​ജ്റാ​നിൽ ക​ന​ത്ത മ​ഴ​യെ തുടർന്നുള്ള മ​ല​വെ​ള്ള​പ്പാ​ച്ചി​ലിൽ മൂ​ന്ന് സ​ഹോ​ദ​ര​ങ്ങ​ൾ അ​ട​ക്കം അ​ഞ്ചു പേ​ർ മു​ങ്ങി​മ​രി​ച്ചു. വാ​ദി ന​ജ്റാ​നി​ൽ മ​ല​വെ​ള്ള​പ്പാ​ച്ചി​ലി​ൽ​പെ​ട്ടാ​ണ്​ ഇ​വ​ർ ഒ​ലി​ച്ചു​പോ​യ​ത്. അ​ഞ്ചു​പേ​രു​ടെ​യും മൃ​ത​ദേ​ഹ​ങ്ങ​ൾ ക​ണ്ടെ​ത്തി. മൂ​ന്നു വ​യ​സ്സു​കാ​ര​നു​വേ​ണ്ടി രാ​ത്രി മു​ഴു​വ​ൻ തി​ര​ച്ചി​ൽ ന​ട​ത്തി​യാ​ണ്​ മൃ​ത​ദേ​ഹം ക​ണ്ടെ​ത്തി​യ​ത്.

ന​ജ്റാ​നി​ലെ അ​ൽ​റ​ബ്ഹ ഗ്രാ​മ​ത്തി​ൽ മ​ഴ​യി​ൽ രൂ​പ​പ്പെ​ട്ട വെ​ള്ള​ക്കെ​ട്ടി​ൽ വീ​ണാ​ണ് സ​ഹോ​ദ​ര​ങ്ങ​ളാ​യ മൂ​ന്നു ബാ​ല​ന്മാ​ർ മു​ങ്ങി​മ​രി​ച്ച​ത്. ത​ങ്ങ​ളു​ടെ കൃ​ഷി​യി​ട​ത്തോ​ടു ചേ​ർ​ന്ന് രൂ​പ​പ്പെ​ട്ട നാ​ലു മീ​റ്റ​ർ താ​ഴ്ച​യു​ള്ള വെ​ള്ള​ക്കെ​ട്ടി​ലാ​ണ് ക​ളി​ക്കു​ന്ന​തി​നി​ടെ ഇ​വ​ർ അ​പ​ക​ട​ത്തി​ൽ​പെ​ട്ട​ത്. മൂ​ത്ത സ​ഹോ​ദ​ര​നാ​ണ് ആ​ദ്യം അ​പ​ക​ട​ത്തി​ൽ​പെ​ട്ട​ത്.

സ​ഹോ​ദ​ര​നെ ര​ക്ഷി​ക്കാ​ൻ ശ്ര​മി​ക്കു​ന്ന​തി​നി​ടെ മ​റ്റു ര​ണ്ടു കു​ട്ടി​ക​ളും മു​ങ്ങി​മ​രി​ക്കു​ക​യാ​യി​രു​ന്നെ​ന്ന് ബ​ന്ധു​ക്ക​ൾ പ​റ​ഞ്ഞു. മൂ​ന്നു വ​യ​സ്സു​കാ​ര​നെ കണ്ടെത്താൻ ശ​ക്ത​മാ​യ തി​ര​ച്ചി​ൽ ന​ട​ത്താ​ൻ സി​വി​ൽ ഡി​ഫ​ൻ​സി​നും ബ​ന്ധ​പ്പെ​ട്ട വ​കു​പ്പു​ക​ൾ​ക്കും ന​ജ്റാ​ൻ ഗ​വ​ർ​ണ​ർ ജ​ല​വി ബി​ൻ അ​ബ്ദു​ൽ അ​സീ​സ് രാ​ജ​കു​മാ​ര​ൻ നി​ർ​ദേ​ശം ന​ൽ​കിയിരുന്നു.

സി​വി​ൽ ഡി​ഫ​ൻ​സി​ന് കീ​ഴി​ലെ മു​ങ്ങ​ൽ​ വി​ദ​ഗ്ധ​രും സ​ന്ന​ദ്ധ​പ്ര​വ​ർ​ത്ത​ക​രും ചേ​ർ​ന്ന്​ ന​ട​ത്തി​യ തി​ര​ച്ചി​ലി​നൊ​ടു​വി​ലാ​ണ്​ മൃ​ത​ദേ​ഹം ക​ണ്ടെ​ത്തി​യ​ത്. അതുപോലെ ന​ജ്റാ​ന് വ​ട​ക്ക് വാ​ദി സ്വ​ഖി​യി​ൽ മ​റ്റൊ​രു യു​വാ​വും മു​ങ്ങി​മ​രി​ച്ചു. താ​ഴ്വ​ര​യി​ലെ മ​ല​വെ​ള്ള​പ്പാ​ച്ചി​ലി​ൽ​പെ​ട്ട യു​വാ​വി​ന്റെ മൃ​ത​ദേ​ഹം അ​പ​ക​ട​ത്തി​ൽ​പെ​ട്ട സ്ഥ​ല​ത്തു​നി​ന്ന് അ​ഞ്ചു കി​ലോ​മീ​റ്റ​ർ ദൂ​രെ​യാ​ണ് ക​ണ്ടെ​ത്തി​യ​ത്.