കൊച്ചിയിൽ വിൽപ്പനക്കായി കൊണ്ടുവന്ന ക​ട​ല്‍ വെ​ള്ള​രി​യു​മാ​യി ര​ണ്ട്​ ല​ക്ഷ​ദ്വീ​പ്​ സ്വ​ദേ​ശി​ക​ള്‍ പി​ടി​യി​ല്‍. 14 കി​ലോ വ​രു​ന്ന ക​ട​ല്‍ വെ​ള്ള​രി​യാണ് ഇവരിൽ നിന്ന് പിടികൂടിയത്. അ​ബ്​​ദു​ല്‍ റ​ഹ്​​മാ​ന്‍, ന​ബീ​ല്‍ എ​ന്നി​വ​രെ എ​റ​ണാ​കു​ളം മ​റൈ​ന്‍ ​ഡ്രൈ​വി​ല്‍ നി​ന്നാ​ണ്​ അ​റ​സ്റ്റ്​ ചെ​യ്ത​ത്.കടൽവെള്ളരി ഓൺലൈനിലൂടെ വിൽപ്പന നടത്താൻ ശ്രമിക്കുന്നതിനിടെയാണ് പിടിയിലായത്.

കിലോയ്ക്ക് 20,000 രൂപ നിരക്കിൽ കടൽ വെള്ളരി വിൽക്കാൻ പ്രതികൾ ഓൺലൈനിൽ പരസ്യം നൽകിയിരുന്നു. വന്യജീവി സംരക്ഷണ നിയമപ്രകാരം സംരക്ഷിത വിഭാഗത്തില്‍ പെടുന്ന കടല്‍ ജീവിയാണ് കടൽവെള്ളരി.അതിനാൽ വ​ന്യ​ജീ​വി സം​ര​ക്ഷ​ണ നി​യ​മ പ്ര​കാ​രം ഇ​ത്​ അ​ന​ധി​കൃ​ത​മാ​യി ക​ച്ച​വ​ടം ചെ​യ്യു​ന്ന​തും കൈ​വ​ശം വെ​ക്കു​ന്ന​തും കു​റ്റ​ക​ര​മാ​ണ്. പെരുമ്പാവൂർ കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

എ​റ​ണാ​കു​ളം ​ഫ്ലൈ​യി​ങ്​ സ്ക്വാ​ഡ്​ ഡി​വി​ഷ​ന​ല്‍ ഫോ​റ​സ്റ്റ്​ ഓ​ഫി​സ​റു​ടെ നേ​തൃ​ത്വ​ത്തി​ലു​ള്ള സം​ഘ​ത്തി​ല്‍ പെ​രു​മ്പാ​വൂ​ര്‍ ഫ്ലൈ​യി​ങ്​ സ്​​ക്വാ​ഡ്​ റേ​ഞ്ച്​ ഓ​ഫി​സ​ര്‍ കെ.​ജി. അ​ന്‍​വ​ര്‍, സെ​ക്​​ഷ​ന്‍ ഓ​ഫീ​സ​ര്‍​മാ​രാ​യ മു​ഹ​മ്മ​ദ്​ ക​ബീ​ര്‍, എം.​വി. ജോ​ഷി, ബീ​റ്റ്​ ഫോ​റ​സ്റ്റ്​ ഓ​ഫി​സ​ര്‍​മാ​രാ​യ ലി​ബി​ന്‍ സേ​വ്യ​ര്‍, കെ.​പി. ലൈ​പി​ന്‍, സി.​എം. സു​ബീ​ഷ്, കെ.​ആ​ര്‍. രാ​ജേ​ഷ്, ഡ്രൈ​വ​ര്‍​മാ​രാ​യ ബൈ​ജു​കു​മാ​ര്‍, കെ.​ആ​ര്‍. അ​ര​വി​ന്ദാ​ക്ഷ​ന്‍ എ​ന്നി​വ​ര്‍ അ​ന്വേ​ഷ​ണ സം​ഘ​ത്തി​ല്‍ ഉ​ണ്ടാ​യി​രു​ന്നു.

അതേസമയം, ഇത്രമാത്രം വിലമതിക്കാന്‍ ഇതെന്ത് സാധനമാണെന്ന് ചിന്തിക്കുന്നവര്‍ ഇപ്പോഴുമുണ്ട്. ആദ്യമേ സൂചിപ്പിച്ചത് പോലെ ഇത് പച്ചക്കറിയോ സസ്യമോ പോലെ എന്തോ ഒന്നാണെന്നും, കരയില്‍ വളരുന്നതിന് പകരം കടലില്‍ വളരുന്നു എന്നതാണ് വ്യത്യാസമെന്നും ചിന്തിക്കുന്നവര്‍ നിരവധിയാണ്. കടല്‍വെള്ളരി ലളിതമായി പറഞ്ഞാല്‍ ഒരു കടല്‍ജീവിയാണ്. നമ്മള്‍ കഴിക്കാനുപയോഗിക്കുന്ന വെള്ളരിയുടെ ആകൃതിയും സാമ്യവുമാണ് ഇതിന് ഈ പേര് വരാന്‍ കാരണം.