യുവതി ആംബുലന്സില് മാസമെത്താത്ത കുഞ്ഞിന് ജന്മം നല്കി!
ദേശീയപാതയില് മണര്കാട് ജംക്ഷനു സമീപം ആംബുലന്സിനുള്ളില് യുവതി പ്രസവിച്ചു. എരുമേലി മേലേക്കുറ്റ് എം.ആര്.റോയിയുടെ ഭാര്യ രാജിയാണ് ആംബുലന്സില് പ്രസവിച്ചത്.
പിതാവ് റോയിയുടെ കൈകളിലേക്കാണ് 7 മാസം മാത്രം വളര്ച്ചയുള്ള പെണ്കുഞ്ഞ് പിറന്നു വീണത്. രാജിയുടെ അമ്മ രമണിയും മൂത്ത മകള് അളകനന്ദയും ഒപ്പമുണ്ടായിരുന്നു.
ഇന്നലെ രാവിലെ 11 മണിയോടെയാണ് സംഭവം. രാവിലെ അസ്വസ്ഥത അനുഭവപ്പെട്ടതിനെ തുടര്ന്നു രാജിയെ റാന്നി താലൂക്ക് ആശുപത്രിയിലെത്തിച്ചിരുന്നു.
അവിടെ നിന്നും ഇവരെ കോട്ടയം മെഡിക്കല് കോളജ് ആശുപത്രിയിലേക്കു റഫര് ചെയ്യുകയായിരുന്നു. മണര്കാട് എത്തിയപ്പോള് പ്രസവം നടക്കുകയായിരുന്നു.
ആംബുലന്സ് ഉടന് മണര്കാട് സെന്റ് മേരീസ് ആശുപത്രിയിലേക്കു കയറ്റി. ഗൈനക്കോളജിസ്റ്റ് ഡോ.മേരി കുരുവിളയുടെ നേതൃത്വത്തില് രാജിക്കു അടിയന്തര പരിചരണം നല്കി.
കുഞ്ഞിനു ചെറിയ ശ്വാസതടസ്സം അനുഭവപ്പെട്ടതിനാല് മെഡിക്കല് കോളജ് കുട്ടികളുടെ ആശുപത്രിയിലേക്കു കൊണ്ടുപോയി. കുഞ്ഞ് തീവ്രപരിചരണ വിഭാഗത്തിലും അമ്മ മണര്കാട് ആശുപത്രിയിലും കഴിയുന്നു.
https://www.facebook.com/Malayalivartha