പരീക്ഷാക്കാലത്ത് കൈയ്യില്‍ വെറുതേ ഒരു പുസ്തകവും പിടിച്ചുകൊണ്ട് പാട്ടും പാടിയിരിക്കാന്‍ നല്ല രസമാണ് അല്ലേ?

അത്തരമൊരു 'പാട്ടുപഠിത്ത'ക്കാരനെ കൈയ്യോടെ പിടിച്ചിരിക്കുകയാണ് നമ്മുടെ ജയസൂര്യ. മറ്റാരുമല്ല ജയസൂര്യയുടെ മകന്‍ ആദി എന്ന അദ്വൈത് ആണ് ഇവിടുത്തെ കള്ളന്‍.

ജയസൂര്യയുടെ മകന്‍ അദ്വൈത് ജയസൂര്യ പരീക്ഷയ്ക്ക് പഠിക്കുന്നതിന്റെ ഇടയില്‍ പാട്ടും പാടി രസിച്ചിരിക്കുന്നതാണ് ജയസൂര്യ കയ്യോടെ പൊക്കിയത്.

വിഡിയോ രഹസ്യമായി ഷൂട്ട് ചെയ്തായിരുന്നു അദ്വൈതിന്റെ കള്ളത്തരം ജയസൂര്യ കണ്ടുപിടിച്ചത്.

അച്ഛന്‍ വിഡിയോ ഷൂട്ട് ചെയ്യുന്നുവെന്ന് തിരിച്ചറിഞ്ഞതോടെ ചമ്മിപ്പോകുന്ന അദ്വൈതിനേയും വിഡിയോയില്‍ കാണാം.

തന്റെ ഫെയ്‌സ്ബുക്ക് പേജില്‍ തമാശരൂപേണ ജയസൂര്യ തന്നെയാണ് വിഡിയോ പോസ്റ്റ് ചെയ്തത്.

'അവന്‍ ഒരു പുസ്തകം എങ്കിലും കൈയ്യില്‍ വച്ചിട്ടുണ്ടല്ലോ എന്നോര്‍ത്ത് സമാധാനിക്ക്', 'ജയേട്ടാ അവന്‍ ഇങ്ങനെ പഠിക്കുന്നത് ഇഷ്ടമല്ലെങ്കില്‍ ജയേട്ടന്‍ ഈ വീട് വിട്ട് പൊയ്ക്കൂടെ, അച്ഛന്റെ മോനല്ലേ.... ഇങ്ങനെ ചെയ്തില്ലെലെ അത്ഭുതം ഉള്ളു തുടങ്ങിയ രസകരമായ കമന്റുകളും പോസ്റ്റിനു കീഴെ കമന്റായി എത്തുന്നുണ്ട്.