കഴിഞ്ഞ ദിവസം സബ് കളക്ടര്‍ പ്രേം കൃഷ്ണ ബൊട്ടാനിക്ക് ഗാര്‍ഡനിലെത്തിയത് മൂന്നാറില്‍ 15 ദിവസം നീണ്ടുനിന്ന വിന്റര്‍ കാര്‍ണിവലിന്റെ സമാപന ചടങ്ങുകള്‍ ഉദ്ഘാടനം ചെയ്യുന്നതിനായാണ്.

14 സ്‌കൂളുകളില്‍ നിന്നായി എത്തിയ 600-ഓളം കുട്ടികള്‍ ഗാര്‍ഡനിലുണ്ടായിരുന്നു. ഇവരോടൊപ്പം ഭക്ഷണശാല സന്ദര്‍ശിക്കുന്നതിനിടെ കുട്ടികളില്‍ ഒരാള്‍ സബ് കളക്ടറോട് ഐസ്‌ക്രീം വേണമെന്ന ആവശ്യവുമായി എത്തുകയായിരുന്നു.

കുട്ടിയുമായി ഐസ്‌ക്രീം കടയിലെത്തി ഐസ്‌ക്രീം വാങ്ങുന്നതിനിടെ ഞങ്ങള്‍ക്കും ഐസ്‌ക്രീം വേണമെന്ന ആവശ്യവുമായി അവിടെ നിന്ന കുട്ടികള്‍ മുഴുവന്‍ സബ് കളക്ടറെ വളഞ്ഞു.

പണം കൈവശമില്ലെന്ന് പറയുന്നതിനിടെ ആരോ മേഴ്സി ഹോമിലെ കുട്ടികളാണ് ആവശ്യക്കാരെന്ന് അറിയിച്ചു. അതോടെ മുഴുവന്‍ പേര്‍ക്കും ഐസ്‌ക്രീം വാങ്ങി നല്‍കി ആഗ്രഹം സാധിച്ചു നല്‍കിയാണ് അദ്ദേഹം മടങ്ങിയത്.