ബൈക്ക് ഓടിക്കുന്നതിനിടെ കുളി, വിഡിയോ വൈറലായപ്പോള് പോക്കറ്റ് കീറുന്ന പിഴയുമായി പോലീസ്!
വിയറ്റ്നാം സ്വദേശികളായ രണ്ടു യുവാക്കളുടെ ബൈക്ക് ഓടിച്ചുകൊണ്ടുള്ള കുളിയും തുടര്ന്നുള്ള പോലീസ് ഇടപെടലും സമൂഹമാധ്യമങ്ങളില് ചിരി ഉയര്ത്തുകയാണ്.
ബൈക്ക് ഓടിക്കുന്നയാളിനും അയാളുടെ പുറകില് ഇരിക്കുന്ന ആളിനും ഇടയില് ഒരു ബക്കറ്റ് വെള്ളം വച്ചിട്ടുണ്ട്. പുറകില് ഇരിക്കുന്ന വ്യക്തി ബൈക്ക് ഓടിക്കുന്ന യുവാവിന്റെ തലയിലൂടെ വെള്ളം ഒഴിക്കുകയും സോപ്പ് തേച്ച് കുളിക്കാന് സഹായിക്കുകയും ചെയ്യുന്നു. ഇതിനിടെ സ്വയം കുളിക്കുകയും ചെയ്യുന്നുണ്ട്. അതിനിടെ ബൈക്ക് ഓടിക്കുന്ന യുവാവ് ഒറ്റക്കൈകൊണ്ട് ബൈക്ക് നിയന്ത്രിച്ച് സോപ്പ് മുഖത്തും തലയിലും പതപ്പിക്കുകയും ചെയ്യുന്നു.
ഇരുവരുടേയും പ്രവര്ത്തിയെ വിമര്ശിച്ച് കൊണ്ട് നിരവധി പേര് രംഗത്തെത്തി. അതേസമയം വിഡിയോ സമൂഹമാധ്യമങ്ങളില് വൈറലായതോടെ നടപടിയുമായി പോലീസും എത്തി.
ദൃശ്യങ്ങളില് കാണുന്ന ബൈക്കിന്റെ നമ്പര് ഉപയോഗിച്ചാണ് പോലീസ് അന്വേഷണം നടത്തിയത്. ഹെല്മെറ്റ്, കണ്ണാടി എന്നിവയും ഇന്ഷുറന്സ്, ലൈസന്സ് എന്നീ രേഖകളില്ലാതെയും അപകടകരമായ രീതിയില് വാഹനമോടിച്ചതിന് ഇരുവര്ക്കുമെതിരെ മോട്ടോര് വാഹന വരുപ്പ് 18 ലക്ഷം ഡോങ് (5500 രൂപ) പിഴ ചുമത്തി.
https://www.facebook.com/Malayalivartha