ശബരിഗിരി ജല വൈദ്യുത പദ്ധതിയുടെ പവര്‍ഹൗസിനു സമീപം ലുക്ഔട്ടിനോടു ചേര്‍ന്ന് പുലിയേയും കുഞ്ഞുങ്ങളേയും കണ്ടു.

പുലി കുടുംബത്തെ രണ്ട് ദിവസങ്ങളിലായാണ് വൈദ്യുതി ബോര്‍ഡ് ജീവനക്കാര്‍ കണ്ടത്. ലുക്ഔട്ടിനോടു ചേര്‍ന്ന പ്രദേശങ്ങള്‍ ഈറ്റ കാടാണ്.

ഇത് ഗൂഡ്രിക്കല്‍ റേഞ്ചിന്റെ പരിധിയിലാണ്. ലുക്ഔട്ടില്‍ നിന്നാല്‍ മുന്‍പ് പദ്ധതിയും സമീപ പ്രദേശങ്ങളും കാണാമായിരുന്നു.

നിലവില്‍ കാട് മൂടി കിടക്കുകയാണ്. പുലി കുഞ്ഞുങ്ങള്‍ക്കു ഏതാനും ദിവസം മാത്രമാണ് പ്രായം. റോഡ് കുറുകെ കടന്ന് പോകുന്നതാണ് ജീവനക്കാര്‍ കാണുന്നത്.

പുലിയുടെ സാന്നിധ്യം ഉറപ്പായതോടെ ജീവനക്കാര്‍ ഭീതിയോടെയാണ് ഇതു വഴി പോകുന്നത്. ഇരു ചക്ര യാത്രക്കാരും ആശങ്കയിലാണ്. പുലിയുടെ സാന്നിധ്യത്തെ പറ്റി മുന്നറിയിപ്പ് ബോര്‍ഡുകള്‍ ഒന്നും വച്ചിട്ടില്ല.