രാജ്യം ലോക്ക്ഡൗണിലൂടെ കടന്നു പോകുമ്പോള്‍ ജനങ്ങള്‍ പുറത്തിറങ്ങരുതെന്നാണ് സര്‍ക്കാരിന്റെ കര്‍ശന നിര്‍ദ്ദേശം. എന്നാല്‍ പലരും പൊലീസിന്റെ കണ്ണ് വെട്ടിച്ച് പുറത്തിറങ്ങാന്‍ ശ്രമിക്കുകയാണ്. നിയമം ലംഘിക്കുന്നവര്‍ക്കെതിരെ കര്‍ശന നടപടിയാണ് പൊലീസ് സ്വീകരിക്കുന്നത്. നിരവധി പേരെ അറസ്റ്റ് ചെയ്യുകയും, വാഹനങ്ങള്‍ പിടിച്ചെടുക്കുകയും പൊലീസ് ചെയ്തിട്ടുണ്ട്.

ഉത്തര്‍പ്രദേശിലെ കാന്‍പൂരിലെ ലോക്ക്ഡൗണ്‍ ലംഘിച്ചവര്‍ക്കെതിരെ പൊലീസ് സ്വീകരിച്ച നടപടിയുടെ ദൃശ്യങ്ങള്‍ സോഷ്യല്‍ മീഡിയയില്‍ വൈറലാകുകയാണ്. കാണ്‍പൂരിലെ കിഡ്വായ് നഗറിലാണ് സംഭവം.

നിയന്ത്രണം ലംഘിച്ച ആളുകളെ റോഡില്‍ വരിവരിയായി നിര്‍ത്തി ആരതി ഉഴിയുന്ന ദൃശ്യങ്ങളാണ് പുറത്തു വന്നത്. പൊലീസുകാര്‍ ഓരോരുത്തരെയായി ആരതി ഉഴിഞ്ഞതിന് ശേഷം ഇവര്‍ക്ക് പഴം വിതരണം ചെയ്യുന്നതും കാണാം.