കല്ലടിക്കോടന്‍ മലയില്‍ നിന്നും പതിവിലും ഏറെ മയിലും കുരങ്ങുകളും ജനവാസ മേഖലകളില്‍ ഇറങ്ങുന്നു.

ദേശീയ പാതയോട് ചേര്‍ന്നുള്ള ജനവാസ മേഖലയില്‍ ദിവസങ്ങളായി പത്തിലേറെ അംഗങ്ങളുള്ള കുരങ്ങിന്‍ കൂട്ടങ്ങള്‍ കാണപ്പെടുന്നുണ്ട്.

വീടുകളുടെ മുകളില്‍ ചാടി മറിയുന്ന കുരങ്ങുകള്‍ ഓട് ഇളക്കുകയും മരങ്ങളിലെ കായ്ഫലങ്ങളും മറ്റും നശിപ്പിക്കുകയും ചെയ്യന്നുണ്ട്.

കല്ലടിക്കോട്, മേലേമഠം, ചപങ്കം, മേലെയ്യാനി, പാങ്ങ്, പറക്കിലടി പ്രദേശത്തെ വീടുകളില്‍ കുരങ്ങളും മയിലുകളും എത്തുന്നത് ഏറെയാണ്. ആരെയും ഉപദ്രവിച്ചിട്ടില്ല.

ചാര നിറമുള്ള ശരീരത്തിലെ കറുത്ത മുഖവും നീണ്ട വാലും പ്രത്യേക കാഴ്ചയാണ്.

കടുത്ത ചൂടില്‍ കാട് കരിയുകയും ജലാശയങ്ങള്‍ വരണ്ടുണങ്ങുകയും ചെയ്യുമ്പോഴാണ് ചെറു കൂട്ടമായി കുരങ്ങുകള്‍ കാടിറങ്ങുന്നത്. ഇപ്പോള്‍ അതിനുള്ള സാഹചര്യം ഇല്ലെങ്കിലും അവ നാട്ടിലിറങ്ങിയത് ലോക്ക് ഡൗണ്‍ മൂലം തെരുവുകള്‍ വിജനമായതിനാലാവണം എന്നു കരുതുന്നു.

പൊതുവെ ഇവ ഉപദ്രവകാരികളല്ലെന്നും മണ്ണാര്‍ക്കാട് റേഞ്ച് ഓഫിസര്‍ ആഷിഖ് പറഞ്ഞു.