ബിഷപ്‌സ് ഹൗസില്‍ കോട്ടയം നസീര്‍ വരച്ച യേശുചിത്രം, ഒരു ലക്ഷം രൂപ നല്‍കി വാങ്ങിയത് ആലപ്പുഴ ബീച്ച് ക്ലബ്!
സമൂഹമാധ്യമങ്ങളില്‍ അടുത്തിടെ തരംഗമായ കോട്ടയം നസീര്‍ വരച്ച യേശുവിന്റെ പെയിന്റിങ് ആലപ്പുഴ ബീച്ച് ക്ലബ് ഒരു ലക്ഷം രൂപ നല്‍കി വാങ്ങി.
മിമിക്രി കലാകാരനും ചലച്ചിത്ര നടനുമായ നസീര്‍ ഫൈന്‍ ആര്‍ട്‌സ് സ്‌കൂളില്‍ ചിത്രരചന പഠിച്ചിട്ടുണ്ട്. നസീറിനു മിമിക്രിചലച്ചിത്ര രംഗത്തു തിരക്കു കൂടിയപ്പോള്‍ വരയ്ക്ക് അവധി നല്‍കേണ്ടിവന്നതാണ്.
ലോക്ഡൗണ്‍ കാലത്തു അക്രിലിക് പെയിന്റിങ് ഉപയോഗിച്ച് കോട്ടയം നസീര്‍ വരച്ച ഈ ചിത്രം ബീച്ചില്‍ ബിഷപ് ഹൗസിന്റെ കോണ്‍ഫറന്‍സ് ഹാളില്‍ പ്രശസ്തരായ ചിത്രകാരന്മാരുടെ പെയ്ന്റിങ്ങുകള്‍ക്ക് ഒപ്പം സ്ഥാനം പിടിക്കും.
ക്ലബ് ഭാരവാഹികള്‍ക്കൊപ്പം തിരുവനന്തപുരത്തു മുഖ്യമന്ത്രി പിണറായി വിജയനെ കണ്ട് ചിത്രത്തിനു ലഭിച്ച തുക ഏല്‍പ്പിച്ചെന്നു കോട്ടയം നസീര്‍ പറഞ്ഞു.
ലോക്ഡൗണ്‍ കാലത്താണു വീണ്ടും ബ്രഷ് കൈയിലെടുക്കുന്നത്. ഈ ദിവസങ്ങളിലായി 42 ചിത്രങ്ങള്‍ വരച്ചു. ആലപ്പുഴ ബിഷപ് ഹൗസില്‍ ഇന്ന് 5.30-ന് നടക്കുന്ന ചടങ്ങില്‍ ബിഷപ് ഡോ.ജയിംസ് ആനാപറമ്പിലിനെ പെയിന്റിങ്ങ് ഏല്‍പിക്കും. മന്ത്രി ജി.സുധാകരനും പങ്കെടുക്കും.
https://www.facebook.com/Malayalivartha
