99 വയസുള്ള ഒരു മുത്തശ്ശി മുംബൈയിലെ കുടിയേറ്റ തൊഴിലാളികള്‍ക്കായി ഭക്ഷണമൊരുക്കുന്ന വീഡിയോ വൈറലാകുന്നു.

സമൂഹം ഏറ്റവും പ്രതിസന്ധി ഘട്ടത്തിലൂടെ കടന്നുപോകുമ്പോള്‍ അപ്രതീക്ഷിത കോണില്‍ നിന്നും മനുഷ്യത്വത്തിന്റെ ഏറ്റവും മഹനീയ ദൃശ്യങ്ങള്‍ കാണുന്നത് ലോകത്ത് ഇപ്പോഴും നന്മ വറ്റിയിട്ടില്ലെന്ന പ്രത്യാശ നല്‍കുന്നു.

ഈ മുത്തശിയുടെ മുഖം പ്രകടമാക്കുന്നതും ആ അസമാന്യ മനുഷ്യസ്‌നേഹമാണ്.

ലോക്ഡൗണില്‍ കുടുങ്ങിപ്പോയ കുടിയേറ്റ തൊഴിലാളികള്‍ക്കായി റൊട്ടിയും സബ്സിയും ഫോയില്‍ ഷീറ്റില്‍ പൊതിഞ്ഞെടുക്കുന്ന വീഡിയോ ആണ് വൈറലായത്.

മുത്തശിയുടെ ബന്ധുവാണ് വീഡിയോ സോഷ്യല്‍ മീഡിയയില്‍ പങ്കുവെച്ചത്.