ഫ്‌ലാറ്റിലെ മഴവെള്ളം ഒഴുകിപ്പോകുന്ന പൈപ്പില്‍ കുടുങ്ങിയ മലമ്പാമ്പിനെ അഗ്‌നിശമന സേന രക്ഷപ്പെടുത്തി
12 JUNE 2020 12:52 PM IST
മലയാളി വാര്‍ത്ത
കൊച്ചി കതൃക്കടവില്‍ ഫ്‌ലാറ്റ് സമുച്ചയത്തില്‍ മഴവെള്ളം ഒഴുകിപ്പോകുന്ന പൈപ്പില്‍ മലമ്പാമ്പ് കുടുങ്ങി. ഇരവിഴുങ്ങിയ പാമ്പ് പിവിസി പൈപ്പിനുള്ളില്‍ കുടുങ്ങിപ്പോയ വിവരം ഫ്‌ലാറ്റ് അധികൃതര്‍ കോടനാട് വനംവകുപ്പ് അധികൃതരെ അറിയിക്കുകയായിരുന്നു.
അഗ്‌നിശമന സേന സ്ഥലത്തെത്തിയെങ്കിലും ഇവര്‍ക്ക് പത്തടിയിലേറെ നീളമുള്ള പാമ്പിനെ പുറത്തെത്തിക്കാനായില്ല. കുടുങ്ങിയിട്ട് രണ്ടുദിവസത്തിലേറെയായി എന്നു കരുതുന്ന പാമ്പിന്റെ തലമാത്രം പുറത്തേക്ക് തള്ളിയനിലയിലായിരുന്നു.
ഗാന്ധിനഗര്‍ അസിസ്റ്റന്റ് സ്റ്റേഷന്‍ ഓഫിസര്‍ വി.വി ബാബുവിന്റെ നേതൃത്വത്തിലെത്തിയ അഗ്‌നിശമനസേന പിവിസി പൈപ്പ് അറുത്തെടുത്ത് സ്റ്റേഷനിലെത്തിച്ചു. പിന്നീട് പൈപ്പ് മുറിച്ച് പാമ്പിനെ പുറത്തെടുക്കുകയായിരുന്നു. കോടനാട് വനംവകുപ്പ് അധികൃതര്‍ക്ക് പാമ്പിനെ കൈമാറി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
