സൈബര്‍ ഇടങ്ങളില്‍ മനുഷ്യരേപ്പോലെ തന്നെ പക്ഷികളും മൃഗങ്ങളുമൊക്കെ ശ്രദ്ധപിടിച്ചു പറ്റുന്ന സന്ദര്‍ഭങ്ങളുണ്ട്. ഇത്തരം കാഴ്ചകള്‍ക്ക് ആരാധകരും എറെയാണ്.

കഴിഞ്ഞ കുറച്ച് ദിവസങ്ങളായി ട്വിറ്ററില്‍ ഇത്തരത്തിലുള്ള രസകരമായ ഒരു വീഡിയോ ശ്രദ്ധ നേടുകയാണ് .

ഒരു ആനയുടെ നടത്തമാണ് ശ്രദ്ധ നേടുന്നത്. ആദ്യ നോട്ടത്തില്‍ ആന റാംപ് വോക്ക് (ക്യാറ്റ് വോക്ക്) ചെയ്യുന്നതുപോലെയേ തോന്നൂ.

ഇതിനോടകം തന്നെ ആനയുടെ ഈ 'പൂച്ചനടത്തം' ശ്രദ്ധ നേടിക്കഴിഞ്ഞു.

ഇന്ത്യന്‍ ഫോറസ്റ്റ് സര്‍വീസ് ഉദ്യോഗസ്ഥനായ സുശാന്ത നന്ദയാണ് ട്വിറ്ററില്‍ ഈ ദൃശ്യങ്ങള്‍ പങ്കുവെച്ചത്.