കന്നിവോട്ടിന്റെ ത്രില്ലില്‍ ഒന്‍പതാം വാര്‍ഡിലെ താരവോട്ടര്‍മാര്‍!
തരിയോട് പഞ്ചായത്തിലെ ഒന്‍പതാം വാര്‍ഡിലെ വോട്ടര്‍മാരാണ് താര സഹോദരങ്ങളായ എസ്തറും ഇവാനും. കൊച്ചി പനമ്പിള്ളി നഗറിലെ വീട്ടില്‍ കന്നിവോട്ടിന്റെ ത്രില്ലിലാണ് ഇരുവരും. തിരഞ്ഞെടുപ്പ് ദിവസമെത്താന്‍ ആവേശത്തോടെ കാത്തിരിക്കയാണ്.
സുരേഷ് ഗോപി സിനിമ കാവലിന്റെ ഡബ്ബിങ് പൂര്‍ത്തിയാക്കി ഇവാനും ദൃശ്യം-2 ന്റെ ഡബ്ബിങ് പൂര്‍ത്തിയാക്കി എസ്തറും കഴിഞ്ഞ ദിവസമാണ് വീട്ടിലെത്തിയത്. ഒരേ സ്റ്റുഡിയോയിലായിരുന്നു 2 പേരുടെയും ഡബ്ബിങ്.
ഇരുവരും ഇപ്പോള്‍ ഓണ്‍ലൈന്‍ ബിരുദ പഠനത്തിന്റെയും പരീക്ഷയുടെയും തിരക്കിലാണ്. എങ്കിലും സ്വന്തം ഗ്രാമത്തിന്റെ ജന പ്രതിനിധികളെ തിരഞ്ഞെടുക്കുന്നതിലേക്ക് തങ്ങളുടെ വോട്ട് രേഖപ്പെടുത്താന്‍ കാത്തിരിക്കുകയാണ് താര സഹോദരങ്ങള്‍.
അച്ഛന്‍ അനിലിനും അമ്മ മഞ്ജുവിനും ഇവിടെയാണ് വോട്ട്. വോട്ട് ചെയ്യാന്‍ പ്രായമായില്ലെങ്കിലും സിനിമാ കുടുംബത്തിലെ ഇളയവന്‍ എറിക്കും നാട്ടിലെ വോട്ടിന്റെ ത്രില്ലിലാണ്. യുവ ജനങ്ങള്‍ തിരഞ്ഞെടുപ്പ് ഗോദയിലേക്ക് എത്തുന്നത് പ്രതീക്ഷ നല്‍കുന്നെന്നാണ് കന്നി വോട്ടര്‍മാരായ താര സഹോദരങ്ങളുടെ അഭിപ്രായം.
https://www.facebook.com/Malayalivartha
