ബി.ജെ.പി. സ്ഥാനാര്ഥി രേഷ്മ കളരിച്ചുവടുമായി നില്ക്കുന്ന പോസ്റ്റര് വൈറലാകുന്നു!
സാമൂഹിക മാധ്യമങ്ങളിലും തെരുവുകളിലും അമ്പരപ്പും കൗതുകവും നിറയ്ക്കുന്നു കളരിച്ചുവട് ഉറപ്പിച്ചു നില്ക്കുന്ന ഒരു പെണ്കുട്ടിയുടെ പോസ്റ്റര്.
നൂറനാട് പടനിലം ഡിവിഷനില്നിന്നു ഭരണിക്കാവ് ബ്ലോക്ക് പഞ്ചായത്തിലേക്കു മത്സരിക്കുന്ന ബി.ജെ.പി. സ്ഥാനാര്ഥി രേഷ്മയുടേതാണ് പോസ്റ്റര്.
ഇപ്പോള് കളരിപ്പയറ്റ്-യോഗയില് ഗവേഷണം നടത്തുന്ന രേഷ്മയാണ് ലോകത്താദ്യമായി കളരിപ്പയറ്റില് റെക്കോഡിട്ടത്. കളരിപ്പയറ്റിലെ കോല്ത്താരിയില് വടി വീശല് ഇനത്തില് തുടര്ച്ചയായി മൂന്നു മണിക്കൂര് 50 മിനിറ്റ് പ്രകടനം കാഴ്ചവച്ചാണ് ലിംക ബുക്സ് ഓഫ് റെക്കോഡില് ഇടംനേടിയത്.
കണ്ണൂര് കടത്തനാട് കെ.പി.സി.സി.ജി.എം. കളരി സംഘത്തിന്റെ ശാഖയായ പടനിലം കളരിയിലാണ് റെക്കോഡ് നേടിയ പ്രകടനം നടത്തിയത്. രാമചന്ദ്രന് ഗുരുക്കളായിരുന്നു പരിശീലകന്. മൂന്നു വര്ഷമായി ആരോമല് ഗുരുക്കളുടെ ശിക്ഷണത്തിലാണ്.
പടനിലം നടുവിലെമുറി മിനി ഭവനത്തില് രാജന്-മിനി ദമ്പതികളുടെ മകളായ ഈ 23 വയസുകാരി നിലപാടുതറയില് കളരി അഭ്യാസിയായി നില്ക്കുന്ന ബഹുവര്ണ പോസ്റ്ററാണ് പ്രചാരണത്തിനായി ഉപയോഗിച്ചിട്ടുള്ളത്.
പടനിലം ഹയര് സെക്കന്ഡറി സ്കൂളിലെ പഠനശേഷം തോട്ടക്കോണം ഗവ. ഹയര്സെക്കന്ഡറി സ്കൂളില്നിന്നു പ്ലസ് ടു പൂര്ത്തിയാക്കി. തുടര്ന്ന് ബി.കോം ബിരുദം നേടി. ഏതായാലും രേഷ്മയുടെ പ്രചാരണ പോസ്റ്ററുകള് സാമൂഹികമാധ്യമങ്ങളില് വൈറലായിരിക്കുകയാണ്.
https://www.facebook.com/Malayalivartha
