കൊറോണയെ തുരത്താന്‍ നാടും നാട്ടുകാരും സര്‍ക്കാരും ഒത്തുപിടിച്ച് ശ്രമിക്കുമ്പോള്‍ കോര്‍പറേഷന്‍ സീറ്റ് പിടിക്കാന്‍ 'കൊറോണ'യെ വിളിച്ചു വരുത്തിയിരിക്കയാണ് ബി.ജെ.പി.

കൊല്ലം കോര്‍പറേഷനിലെ മതിലില്‍ ഡിവിഷനിലാണ് മതിലില്‍ ഗീതാ മന്ദിരത്തില്‍ കൊറോണ തോമസ്(24) ബി.ജെ.പി. സ്ഥാനാര്‍ഥിയാവുന്നത്.

സ്ഥാനാര്‍ത്ഥിയുടെ വീട്ടിലെ മുഴുവന്‍ പേര്‍ക്കും കോവിഡ് പിടിപെട്ടതും കൊറോണക്ക് കുഞ്ഞ് പിറന്നതും നേരത്തെ വാര്‍ത്തയായിരുന്നു.

ഇതിന് പിന്നാലെയാണ് കൊറോണ ബി.ജെ.പി. സ്ഥാനാര്‍ഥിയായി വാര്‍ത്തയില്‍ ഇടം പിടിക്കുന്നത്. തന്റെ പേരു കൊണ്ടു തന്നെ ആളുകളുടെ ശ്രദ്ധ നന്നായി ലഭിക്കുന്നുണ്ടെന്നാണ് കൊറോണ തോമസ് പറയുന്നത്.