അമ്മ നോക്കിയിട്ട് രക്ഷയില്ല; ഒടുവില് കുഞ്ഞിനെ വിമാനജീവനക്കാര് പാടിയുറക്കി!
വിമാനത്തില് വച്ച് യാത്രക്കാര്ക്ക് നേരെ മോശമായ പെരുമാറ്റം ഉണ്ടായതായ വാര്ത്തകള് നമ്മളെല്ലാം ധാരാളം കേട്ടതാണ്. എന്നാല് അതില് നിന്നും എല്ലാം വ്യത്യസ്തമായ ഒരു കഥയുമായി എത്തിയിരിക്കുകയാണ് വെസ്റ്റ് ജെറ്റ് എയര്ലൈന്്സ് വിമാനത്തിലെ ജീവനക്കാര്.
വിമാനയാത്രക്കിടയില് ദമ്പതികളുടെ കുഞ്ഞ് കരഞ്ഞു ബഹളമുണ്ടാക്കിയപ്പോള് സഹായവുമായി എത്തിയത് വിമാനജീവനക്കാരായിരുന്നു. വൈറ്റ്നി പോയന്റ്സും ഭര്ത്താവും നാലുമാസം പ്രായമുള്ള കുട്ടിയും അവധിക്കാലം ആഘോഷിച്ചതിനു ശേഷം അമേരിക്കയിലെ പാം സ്പ്രിംഗ്സില് നിന്നും കാനഡയിലെ കാല്ഗറിയിലേക്കു മടങ്ങുന്നതിനായാണ് വെസ്റ്റ് ജെറ്റ് എയര്ലൈന്സില് കയറിയത്.
വിമാനം യാത്ര ആരംഭിച്ചപ്പോള് ഉറക്കത്തിലായിരുന്ന കുട്ടി വിമാനത്തിലെ ഇന്റര്കോമിലൂടെയുള്ള ശബ്ദം കേട്ട് ഉറക്കത്തില് നിന്ന് ഉണര്ന്നു. വീണ്ടും കുട്ടിയെ ഉറക്കാന് ശ്രമിച്ചപ്പോളാകട്ടെ കുട്ടി ഉറങ്ങാന് കൂട്ടാക്കിയില്ലെന്നു മാത്രമല്ല കരഞ്ഞു ബഹളം വയ്ക്കാനും തുടങ്ങി.
എത്ര ശ്രമിച്ചിട്ടും കുട്ടി ഉറങ്ങാതെ വന്നപ്പോള് വിമാനത്തിലെ ജീവനക്കാരിയായ ആഷ്ലി ഇവരുടെ സഹായത്തിനായി എത്തുകയായിരുന്നു. ഇവര് കുട്ടിയെ കൈയില് എടുത്ത് വിമാനത്തിനുള്ളില് കൂടി നടക്കുകയും ജനലിനരികില് കൊണ്ടുപോയി പാട്ട് പാടുകയും ഒക്കെ ചെയ്തപ്പോള് കുഞ്ഞ് വീണ്ടും ഉറങ്ങുവാന് തുടങ്ങി.
നാട്ടിലെത്തിയ വൈറ്റ്നി, ആഷ്ലിക്കും സഹപ്രവര്ത്തകര്ക്കും നന്ദിപറഞ്ഞ് ഫേസ്ബുക്കില് പോസ്റ്റിട്ടു. വൈറലായ ഈ പോസ്റ്റ് 8,500 പേരാണ് ഷെയര് ചെയ്തത്.
https://www.facebook.com/Malayalivartha