തേനീച്ചസംഘം തുരത്തിയ ആനക്കൂട്ടത്തിന്റെ വീഡിയോ വൈറലാകുന്നു. അന്‍പതോളം വരുന്ന ആനകളുടെ സംഘത്തെയാണ് തേനീച്ചക്കൂട്ടം ചുറ്റിച്ചത്.

ഓടുന്ന കാട്ടാനകളോടൊപ്പം കാര്യമറിയാതെയാണെങ്കിലും കുട്ടിയാനകള്‍ പായുന്നതിന്റെ ചിത്രങ്ങള്‍ കൗതുകമാകുകയാണ്.

ആനകളുടെ വെപ്രാളം കണ്ട് ഫോറസ്റ്റ് റേഞ്ചര്‍മാരാണ് തേനീച്ചകളുടെ ആക്രമണമാണെന്ന് വിശദീകരിച്ചത്. ഏതാണ്ട് 10 മിനിറ്റോളം ആനകള്‍ക്കെതിരെയുള്ള തേനീച്ചകളുടെ കൂട്ട ആക്രമണം തുടര്‍ന്നു.

തുമ്പിക്കൈക്ക് ഉള്ളിലേയ്ക്ക് തേനിച്ച പോകുന്നതും ചെവിയില്‍ വന്നുള്ള മൂളലുമാണ് ആനകളെ ഏറ്റവും അധികം അസ്വസ്ഥരാക്കുന്നത്.