ക്യോട്ടോ ഒഹാറ്റ ജപ്പാന്‍കാരനായ ഒരു ചെരുപ്പുകുത്തിയാണ്. അയാള്‍ അടുത്തിടെ ഒരു പുതിയ ഷൂ ഉണ്ടാക്കി. അതു കണ്ടവരെല്ലാം അദ്ഭുതത്തിലാണ്.

പ്രാവിന്റെ രൂപമാണ് ഈ ഹൈഹീല്‍ഡ് ഷൂവിന്. ചിലര്‍ ഷൂ കണ്ട് അന്തം വിട്ടപ്പോള്‍ മറ്റ് ചിലര്‍ക്ക് 'പ്രാവ് ഷൂ' അത്ര ഇഷ്ടപ്പെട്ടില്ല.

ഒഹാറ്റ ജോലിക്ക് പോകുന്ന വഴിയില്‍ ധാരാളം പ്രാവുകളെ കാണാറുണ്ട്. മനുഷ്യരുടെ കാലടിശബ്ദം കേള്‍ക്കുമ്പോള്‍ പ്രാവുകള്‍ ഭയന്ന് പറന്നുപോകുന്നത് ഒഹാറ്റ ശ്രദ്ധിക്കാറുണ്ടായിരുന്നു.

പ്രാവുകളെ ഭയപ്പെടുത്താതെ നടന്നുപോകുന്നതിനായാണ് പ്രാവ് ഷൂ എന്ന ഐഡിയ ഒഹാറ്റ കണ്ടുപിടിച്ചത്. ഒറ്റനോട്ടത്തില്‍ പ്രാവേതാ ഷൂ ഏതാ എന്ന് തിരിച്ചറിയാന്‍ കഴിയില്ല ഒഹാറ്റയുണ്ടാക്കിയ ഷൂ കണ്ടാല്‍.