പശുവിനെ ദേശീയ മൃഗമായി പ്രഖ്യാപിക്കണമെന്ന് രാജസ്ഥാന്‍ ഹൈക്കോടതി ആവശ്യപ്പെട്ടതിന് പിന്നാലെ ആടിനെ ദേശീയ സഹോദരിയാക്കണമെന്ന് സഞ്ജയ് സിംഗ്.

വിചിത്രമായ ഈ നിര്‍ദ്ദേശവുമായി രംഗത്ത് വന്ന സഞ്ജയ് സിംഗ് ആം ആദ്മി പാര്‍ട്ടി നേതാവ് ആണ്. ട്വിറ്ററിലൂടെയാണ് സഞ്ജയ് സിംഗ് ഈ ആവശ്യമുന്നയിച്ചത്.

ആടിന്റെ പാല്‍ ആരോഗ്യത്തിന് നല്ലതാണെന്ന് മഹാത്മാ ഗാന്ധി പറഞ്ഞിട്ടുണ്ടെന്ന് സഞ്ജയ് സിംഗ് പറയുന്നു. അതിനാല്‍ ആടിനെ ദേശീയ സഹോദരിയാക്കണമെന്നാണ് അദ്ദേഹത്തിന്റെ നിലപാട്.

സഞ്ജയ് സിംഗ് ഇക്കാര്യം ഗൗരവത്തോടെ തന്നെ പറഞ്ഞതാണോയെന്ന് വ്യക്തമല്ല. ഏതായാലും സിംഗിന്റെ പ്രസ്താവനയുടെ ചുവട് പിടിച്ച് ട്വിറ്ററില്‍ ട്രോളുകള്‍ പ്രചരിക്കുന്നുണ്ട്.