ചിലര്‍ക്ക് അതിസാഹസികത ഒരു വിനോദമാണ്. ഒരു കൂട്ടം ആളുകള്‍ ചേര്‍ന്നാണെങ്കില്‍ സാഹസികതയുടെ ആക്കവും കൂടും.

ബ്രിട്ടണിലെ സുയിസൈഡ് പോയിന്റില്‍ നിന്ന് എടുത്തു ചാടിയാണ് ഇവര്‍ വിനോദം കണ്ടെത്തിയത്.

16 ചാട്ടക്കാര്‍ ചേര്‍ന്ന് 530 അടി ഉയരത്തില്‍ നിന്നാണ് എടുത്തു ചാടിയത്. ശരീരത്തില്‍ പാരച്യൂട്ട് ഘടിപ്പിച്ചിട്ടുണ്ടായിരുന്നു.

ഇവര്‍ നിയമവിരുദ്ധമായല്ല ചാടിയതെന്നാണ് പോലീസുകാര്‍ വ്യക്തമാക്കിയത്. ഫ്രീലാന്‍സ് ഫിലിംമേക്കറായ ജാക്ക് ആഡംസാണ് ഈ ചാട്ടം പകര്‍ത്തിയത്.

ഇതൊരു തമാശ മാത്രമല്ലെന്നും മനസിന് കൂടുതല്‍ ഉണര്‍വ്വ് നല്‍കുന്ന വ്യായാമവും ആണെന്നാണ് 22 -കാരനായ സ്‌കൈഡൈവര്‍ പറയുന്നത്. ചാട്ടം ഇഷ്ടപ്പെടുന്നവര്‍ക്ക് ഇതൊന്നും ഒരു ഉയരമല്ലെന്നും ഇയാള്‍ പറയുന്നു.