സ്ത്രീ ശരീരത്തെ കുറിച്ച് ഓര്‍മ്മിപ്പിക്കാത്ത സ്വിം സ്യൂട്ട്!
അമേരിക്കന്‍ കമ്പനിയായ ബിലവഡ് ഷര്‍ട്‌സ് പുറത്തിറക്കിയ പുതിയ സ്വിം സ്യൂട്ട് ഇപ്പോള്‍ തരംഗമാവുകയാണ്. സ്വിം സ്യൂട്ട് എന്നു പറഞ്ഞുകേള്‍ക്കുമ്പോള്‍ തന്നെ ഓര്‍മ്മയില്‍ എത്തുന്നത് അഴകളവുകളെല്ലാം തികഞ്ഞ ഒരു സുന്ദരിയുടെ ശരീരമായിരിക്കും.
എന്നാല്‍ ബിലവഡ് ഷര്‍ട്‌സ് കമ്പനിയുടെ വിചിത്ര രൂപമുള്ള സ്യൂട്ടിലേയ്ക്ക് ഒന്നു കൂടി നോക്കിയാല്‍ അതിന്റെ പ്രത്യേകത മനസ്സിലാകും. രോമാവൃതമായ നെഞ്ചും വയറും അടിവയറുമൊക്കെയായി വിചിത്രമായ രൂപമാണ് സ്യൂട്ടിനുള്ളത്.
ഒറ്റനോട്ടത്തില്‍ പുരുഷന്റെ ശരീരത്തിന് സമാനമാണ് സ്യൂട്ട്. മുന്‍ഭാഗത്തും പിന്‍ഭാഗത്തും രോമാവൃതമായ പുരുഷശരീരമാണ് സ്വിം സ്യൂട്ടിന്റെ പ്രത്യേകത. ഏതുതരം അളവിലും ഈ സ്വിം സ്യൂട്ട് ലഭ്യമാണ്. 35 പൗണ്ടാണ് ഇതിന്റെ വില.
സെക്‌സി ചെസ്റ്റ് വണ്‍ പീസ് സ്വിംസ്യൂട്ട് എന്ന വിശേഷണമാണ് കമ്പനി ഇതിന് നല്‍കുന്നത്. ഒറ്റനോട്ടത്തില്‍ അരോചകമാണെങ്കിലും, ചുരുങ്ങിയ ദിവസത്തിനുള്ളില്‍ ഏറെപ്പേരെ ഇതാകര്‍ഷിച്ചിട്ടുണ്ടെന്നാണ് റിപ്പോര്‍ട്ടുകള്‍.
https://www.facebook.com/Malayalivartha
