പാകിസ്താനിലെ കറാച്ചിയിലെ ഒരു പിസ ഔട്ട്‌ലെറ്റില്‍ പാത്രം കഴുകുന്നു ഇന്ത്യന്‍ നായകന്‍ വിരാട് കൊഹ്‌ലി. പാത്രം കഴുകുന്ന കൊഹ്‌ലിയുടെ വീഡിയോ പുറത്ത് വന്നത് ജസ്റ്റ് പാകിസ്താനി തിങ്‌സ് എന്ന ഫെയ്‌സ്ബുക്ക് പേജിലാണ്.

ഒറ്റനോട്ടത്തില്‍ എന്നല്ല, രണ്ടാമത് ഒന്നു കൂടി നോക്കിയാലും ഇദ്ദേഹം കോഹ്‌ലി അല്ലെന്ന് പറയില്ല. കാരണം ഇന്ത്യന്‍ നായകനുമായി യുവാവിന് അത്രയ്ക്ക് സാമ്യമുണ്ട്.

കറാച്ചിയിലെ ഷഹീദ്ഇമിലാത് എന്ന പിസ ഔട്ട്‌ലെറ്റിലാണ് കൊഹ്‌ലിയുടെ ഡ്യൂപ്പായ ഈ ചെറുപ്പക്കാരന്‍ ജോലി ചെയ്യുന്നത്. ക്രിക്കറ്റുമായി ഒരു ബന്ധവും ഈ ചെറുപ്പക്കാരനില്ല. തുച്ഛവേതനത്തിന് പിസ ഔട്ട്‌ലെറ്റില്‍ ജോലി ചെയ്തു വരികയാണ്.

ഈ ഷോപ്പില്‍ എത്തിയ ഉപഭോക്താക്കളില്‍ ഒരാളാണ് പാക് കൊഹ്‌ലിയുടെ വീഡിയോ പകര്‍ത്തി സോഷ്യല്‍ മീഡിയയിലൂടെ പുറത്ത് വിട്ടത്. വീഡിയോ ഇപ്പോള്‍ ആയിരക്കണക്കിന് പേര്‍ കണ്ടു കഴിഞ്ഞു.