ലോകപ്രശസ്ത ചിത്രകാരന്‍ പാബ്ലോ പിക്കാസോ രൂപകല്പന ചെയ്ത മോതിരം ലേലത്തിന്. ദീര്‍ഘവൃത്താകൃതിയിലുള്ള മോതിരത്തിന് കുറഞ്ഞത് അഞ്ചു ലക്ഷം പൗണ്ടെങ്കിലും വില ലഭിക്കുമെന്നാണ് പ്രതീക്ഷിക്കുന്നത്.

പിണങ്ങിയിരുന്ന തന്റെ കാമുകിയുടെ പിണക്കം മാറ്റാനായി പിക്കാസോ തന്നെ നിര്മിച്ചതാണ് ഈ മോതിരം.ഒരിക്കല്‍ പിക്കാസോയും അദേഹത്തിന്റെ കാമുകി ഡോറാ മാറും തമ്മില്‍ വഴക്കുണ്ടായി. പ്രശസ്ത ചിത്രകാരിയും കവിയുമായിരുന്നു ഡോറ.

വഴക്കിനിടയ്ക്ക് ഡോറ തന്റെ വിരലില്‍ കിടന്ന മോതിരം ഊരി നദിയില്‍ എറിഞ്ഞു. ഡോറയ്ക്ക് ഏറെ പ്രിയപ്പെട്ടതായിരുന്നു വളരെ പഴക്കമുള്ള ആ മോതിരം.

ഇതില്‍ കുറ്റബോധം തോന്നിയ പിക്കാസോ സ്വന്തമായി ഒരു മോതിരം രൂപകല്പന ചെയ്ത് ഡോറയ്ക്കു സമ്മാനിക്കുകയായിരുന്നു. 1997-ല്‍ ഡോറ മരിക്കുന്നതുവരെ ഈ മോതിരം അവര്‍ സൂക്ഷിച്ചിരുന്നു.