ലോകത്തിന്റെ പലഭാഗങ്ങളിലുണ്ടാകുന്ന വിമാനപകടങ്ങളിലായി നിരവധിയാളുകള്‍ മരണപ്പെടുന്ന വാര്‍ത്തകള്‍ മിക്ക ദിവസങ്ങളില്‍ വായിച്ചും കണ്ടും അറിയുന്നരാണ് നമ്മള്‍.

ഇപ്പോള്‍ ഒരു വിമാനാപകടത്തിന്റെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുകയാണ്. വിമാനം പറന്നുയരാന്‍ ശ്രമിക്കുന്നതിനിടെ മൂക്കും കുത്തി നിലത്തുവീഴുന്നതാണ് വീഡിയോയിലുള്ളത്.

നൂറുകണക്കിനാളുകളുടെ സാന്നിധ്യത്തില്‍ നോര്‍ത്ത് ഫ്രാന്‍സില്‍ വച്ച് നടത്തിയ എയര്‍ ഷോയ്ക്കിടെ പൈലറ്റ് വിമാനം ടേക്കോഫ് ചെയ്യുമ്പോഴായിരുന്നു അപകടമുണ്ടായത്.

ആദ്യം വിമാനത്തിന്റെ ടയര്‍ പൊട്ടി. ഒരു വശം ചരിഞ്ഞുപോയ വിമാനത്തിന്റെ മുന്‍ വശം പിന്നീട് കുത്തി മറിയുകയായിരുന്നു.

സമീപത്തുണ്ടായിരുന്നവര്‍ സമയോചിതമായി ഇടപെട്ട് പൈലറ്റിനെ വിമാനത്തില്‍ നിന്നും പുറത്തിറക്കുകയായിരുന്നു. പൈലറ്റ് നിസാരപരിക്കുകളോടെ രക്ഷപെട്ടു.