വൈപ്പറുകള് നിശ്ചലമാകുന്നു,റേഡിയോ തനിയെ ഓഫാകുന്നു!ചുരുളഴിയാത്ത ഒരു പാത
പല ഡ്രൈവര്മാരും യാത്രചെയ്യരുതെന്ന് ആഗ്രഹിക്കുന്ന ഒരു പ്രേത വഴി ഉണ്ട്. അത് വഴി പോയാല് കാറിന്റെ വിന്ഡ്സ്ക്രീന് വൈപ്പറുകള് പെട്ടെന്ന് നിശ്ചലമാകുന്നു, കാറുകള് സ്വയം ലോക്ക് ചെയ്യുക, റേഡിയോകള് സ്വിച്ച് ഓഫ് ആകുക, അല്ലെങ്കില് അപ്രതീക്ഷിതമായി നിഴല്രൂപങ്ങള് പ്രത്യക്ഷവും അപ്രത്യക്ഷവും ആകുക എന്നിങ്ങനെ അസാധരണമായ സംഭവങ്ങള്.
ഓസ്ട്രേലിയയിലെ സിഡ്നിയില് നിന്നും ഒട്ടും അകലെയല്ലാത്ത ന്യൂ സൗത്ത് വെയില്സിലെ സീഫോര്ത്ത് മുതല് നാറാബീന് വരെയുള്ള വെയ്ക്ക്ഹാസ്റ്റ് പാര്ക്ക് വേ റോഡിലാണ് ഈ ഭയപ്പെടുത്തുന്ന അനുഭവങ്ങള് അരങ്ങേറുന്നത്.
വിവരിക്കാന് പറ്റാത്ത തരത്തിലുള്ള അസ്വാഭാവിക സംഭവങ്ങളാണ് വെയ്ക്ക്ഹസ്റ്റ് പാര്ക്ക് വേ റോഡില് നടക്കുന്നതെന്ന് ഡ്രൈവര്മാര് വെളിപ്പെടുത്തുന്നു. കാല്നടക്കാരന് റോഡ് മുറിച്ചുകടക്കുന്നതും പച്ച നിറത്തിലുള്ള ഒരു മനുഷ്യന് മിന്നിമറയുന്നതായും അവര് പറയുന്നു. കാറിന്റെ റിയര് വ്യൂ മിററിലൂടെ പണ്ടെങ്ങോ മരണമടഞ്ഞ രണ്ട് മോട്ടോറിസ്റ്റുകളുടെ മുഖങ്ങള് മിന്നിമായുന്നതായും പറയപ്പെടുന്നു. ഇത് പോലെ തന്നെ സമാനമായ പല കൊലപാതക കഥകളും ഇവിടെ നിന്നും പുറത്തു വരുന്നുണ്ട്.
ഭൂതകാലത്തില് ഇതൊരു കൊലപാതക പരമ്പരകള് നടന്നിരുന്ന പാതയോരമായിരുന്നുവെന്നും ചരിത്രം പറയുന്നു. ഏതായാലും ഇത് വഴി രാത്രികാലങ്ങളില് സഞ്ചരിക്കാന് ആരും തയ്യാറാകാറില്ല.
https://www.facebook.com/Malayalivartha
