ഇരയെ പിടിക്കുന്നതിനു വേണ്ടി ജീവികള്‍ പരസ്പരം പോരടിക്കുന്ന ദൃശ്യങ്ങള്‍ നാമൊക്കെ കണ്ടിട്ടുണ്ട്. അത്തരത്തില്‍ നടുക്കടലില്‍ സീലും നീരാളിയും തമ്മില്‍ പോരടിക്കുന്ന ദൃശ്യങ്ങള്‍ നവമാധ്യമങ്ങളില്‍ പ്രചരിക്കുന്നു.

ന്യൂസിലന്‍ഡിലാണ് സംഭവം നടന്നത്. ഈ അപൂര്‍വ്വ കാഴ്ചയ്ക്ക് സാക്ഷ്യം വഹിച്ചതും ഈ ദൃശ്യങ്ങള്‍ പകര്‍ത്തിയതും സമൂദ്രത്തിലൂടെ കയാക്കിംഗ് നടത്തിയ വിനോദ സഞ്ചാരികളാണ്. 

വഴക്കിനിടെ സീല്‍ നീരാളിയെ കടിച്ച് അന്തരീക്ഷത്തിലേക്ക് എറിയുന്നതും വീഡിയോയില്‍ കാണാന്‍ സാധിക്കുന്നുണ്ട്.

ഏറെ നേരം നീണ്ട പോരാട്ടത്തിനൊടുവില്‍ നീരാളി സീലിനോട് തോറ്റ് പിന്‍വാങ്ങുകയായിരുന്നു. സീലുകള്‍ മിക്ക ദിവസങ്ങളിലും ഏഴു കിലോയോളം നീരാളിമാംസം ഭക്ഷിക്കാറുണ്ടെന്നാണ് പറയപ്പെടുന്നത്.