വാട്ടര്ടാങ്കില് വീണ ആനക്കുട്ടിയുടെ ജീവന് രക്ഷിച്ചു, പിന്നെ നാട്ടുകാര്, സ്വന്തം ജീവന്റെ കാര്യം നോക്കണ്ടേ...വീഡിയോ കണ്ടുനോക്കൂ
വെള്ളം കുടിക്കുന്നതിനിടയില് വാട്ടര്ടാങ്കില് വീണ അഞ്ച് മാസം പ്രായമുള്ള ആനക്കുട്ടിയെ നാട്ടുകാര് രക്ഷിക്കുന്ന ദൃശ്യങ്ങള് പുറത്ത് വന്നു. തമിഴ്നാട്ടിലാണ് സംഭവം.
ഗ്രാമത്തിലെ വലിയ വാട്ടര് ടാങ്കില് വീണുപോയ ആനക്കുട്ടിയുടെ തുമ്പിക്കൈയ്യിലും കാലിലും കയ്യിലുമായി വലിച്ചു കയറ്റി രക്ഷിക്കുന്ന ദൃശ്യങ്ങളാണ് പുറത്ത് വന്നത്.
ആനക്കുട്ടിയുടെ നിലവിളി കേട്ട് സമീപപ്രദേശത്ത് ഉള്ളവര് എത്തുകയായിരുന്നു. ഒരു രെപവറ്റ് ഫേമിന്റെ വാട്ടര്ടാങ്കിനുള്ളിലാണ് ആനക്കുട്ടി വീണത്.
എട്ട് ആനകള് ഉണ്ടായിരുന്ന ആനക്കൂട്ടത്തില് നിന്ന് വെള്ളത്തില് വീണതാണ് ഈ ആനക്കുട്ടിയെന്നാണ് റിപ്പോര്ട്ട്. ആനക്കുട്ടിയെ കാത്ത് 150 മീറ്റര് അകലെ ഈ സംഘം തമ്പടിച്ചിരുന്നുവെന്നും ഫോറസ്റ്റ് റേഞ്ചര് പറയുന്നു.
ആനക്കുട്ടിയെ കരയ്ക്കെത്തിച്ചിട്ട് ഗ്രാമവാസികള് അകലേയ്ക്ക് ഓടിമാറി. എന്നാല് പിന്നീട് ആനക്കുട്ടി അവരോടൊപ്പം പോയെന്നാണ് റിപ്പോര്ട്ട്.
https://www.facebook.com/Malayalivartha